މަންމަ ކޮވިޑަށް ފައްސިވެ، ހަސަން ލަތީފު ކަރަންޓީނަށް

އެމްޑީޕީގެ ޗެއާޕާސަން އަދި ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފުގެ މަންމަ ކޮވިޑް-19 އަށް ފައްސިވެ، ހަސަން ލަތީފު ކަރަންޓީނު ވާން ޖެހިއްޖެއެވެ.

Ads by STELCO

ހަސަން ލަތީފު މިއަދު ކުރެއްވި ޓްވީޓެއްގައި ވިދާޅުވީ އޭނާގެ މަންމަ ކޮވިޑް-19 އަށް ފައްސިވުމާއެކު އައިސޮލޭޝަން ފެސިލިޓީއަކަށް މިހާރު ގެންގޮސްފައިވާ ކަމަށެވެ.

އަދި އޭނާ ކޮވިޑަށް ހެއްދެވި ޓެސްޓުގެ ނަތީޖާ ނައްސި ވެފައިވާ ކަން ފާހަގަކޮށް، ހަސަން ލަތީފު ވިދާޅުވީ އޭނާ އަކީ ޑައިރެކްޓު ކޮންޓެކްޓަކަށް ވުމުން މިވަގުތު ހުންނެވީ ގޭގައި ކަރަންޓީނުގައި ކަމަށެވެ.

ހަސަން ލަތީފު މިކަން ޓްވިޓާގައި ހިއްސާ ކުރެއްވުމާއެކު ގިނަ ބަޔަކު އަންނަނީ އޭނާގެ މަންމަ އަށް އަވަސް ޝިފާ އަކަށް އެދެމުންނެވެ