ކޮވިޑް-19ގެ ބަލިމަޑުކަމުގެ ތެރޭގައި ޓީޗަރުންގެ މުހިއްމުކަން ކުރިއަށްވުރެ ބޮޑަށް އެނގިގެން ހިނގައްޖެ: ރައީސް ނަޝީދު
ކޮވިޑް-19ގެ ބަލިމަޑުކަމުގެ ތެރޭގައި ޓީޗަރުންގެ މުހިއްމުކަން ކުރިއަށްވުރެ ބޮޑަށް ފާހަގަ ވެގެން ހިނގައްޖެ ކަމަށް ރައްޔިތުންގެ މަޖިލީހުގެ ރައީސް ، ރައީސް ނަޝީދު ވިދާޅުވެއްޖެއެވެ.
މިއަދު ފާހަގަ ކުރާ ޓީޗަރުންގެ ދުވަހުގެ މުނާސަބަތުގައި އެމަނިކުފާނު ކުރެއްވި ޓްވީޓެއްގައި އިތުރަށް ވިދާޅުވީ ދަރިވަރުންނަށް ކާމިޔާބު އަދި އުފާވެރި މުސްތަގުބަލެއް ހޯދުމަށްޓަކައި، ސްކޫލަށް ގޮސް އުނގެނި އުޅުމުގެ މިހުއްމުކަން ވެސް ފެނގިގެން ގޮސްފައިވާ ކަމަށެވެ.
ކޮވިޑް-19ގެ ބަލިމަޑުކަމުގެ ތެރޭގައި ސުކޫލުތަކާއި ތައުލީމީ ޚިދުމަތްދޭ ހުރިހާ މަރުކަޒެއްވެސް ބަންދު ކުރިއެވެ. އެހެންކަމުން ކްލާސްތައް ކުރިއަށް ގެންގޮސްފައި ވަނީ އޮންލައިން ކޮށެވެ. މިކަމުގެ ސަބަބުން ޓީޗަރުންނަށް އަދި ދަރިވަރުންނަށްވެސް ބޮޑެތި ގޮންޖެހުންތަކަކާއި ކުރިމަތިވިއެވެ.
ރައީސް ނަޝީދު ވަނީ ޓީޗަރުންގެ ދުވަހުގެ މުނާސަބަތުގައި ރާއްޖޭގެ ހުރިހާ ޓީޗަރުންނަށް ދުވަހުގެ ތަހުނިޔާ ވިދާޅުވެފައެވެ.
