ކޮވިޑް-19: ކުޅުދުއްފުށިން އިތުރު 2 ފުލުހުން ފައްސިވެއްޖެ
ހދ. ކުޅުދުއްފުށިން އިތުރު 2 ފުލުހަކު ކޮވިޑް19 އަށް ފައްސިވެއްޖެއެވެ.
އެރަށުން މިއަދު ފައްސިވެފައިވާ ދެ ފުލުހުންނަކީ އެރަށުން އިއްޔެ ފައްސިވި ފުލުހާ ޑައިރެކްޓް ކޮންޓެކްޓު ވެފައިވާ ދެ ފުލުހުންނެވެ.
އޮންލައިން ނޫހެއް ކަމަށްވާ "ތިލަދުން"ގައި ރިޕޯޓުކޮށްފައިވާ ގޮތުގައި އިއްޔެ ފައްސިވި ފުލުސް މީހާ އާ ކޮންޓެކްޓު ވި 10 ފަރާތެއް އެކަހެރިކޮށް، ސާމްޕަލް ނަގާފައިވާއިރު އޭގެ ތެރެއިން ދެ ސާމްޕަލް ވަނީ ފައްސިވެފައެވެ.
ސާމްޕަލް ނަގާފައިވަނީ 6 ފުލުހަކާއި، ފުލުހުންގެ ލޯންޗްގައި މަސައްކަތްކުރާ ތިން މުވައްޒަފަކާއި، އާންމުންގެ މީހެކެވެ.
އިއްޔެ ފައްސިވި ފުލުސް މީހާ ހުރީ އޭނާގެ ރަށް ކުރިނބީގައި ކަމުން އެރަށުން ވެސް ވަނީ 13 މީހެއްގެ ސާމްޕަލް ނަގާފައެވެ. މި ހުރިހާ ސާމްޕަލް އެއްވަނީ ނައްސިވެފައެވެ.
އިއްޔެ ފައްސިވި ފުލުސް މީހާގެ ކޭހާ ގުޅިގެން ތިން އަތޮޅަކުން 150 މީހަކު ވަނީ އެކަހެރި ކޮށްފައެވެ.
Ads by STO
