ތަރައްގީވެފައިވާ ގައުމުތަކުގައި އެހެން ގައުމުތަކުގެ ސިފައިން ތިބޭނެ: ނަޝީދު
ތަރައްގީވެފައިވާ ގައުމެއް ނަމަ އެގައުމެއްގައި ކޮންމެހެން ވެސް އެހެން ގައުމުތަކުގެ ސިފައިން ތިބެން ޖެހޭނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ ރާއްޖޭގައި ތިބި އިންޑިއާގެ ސިފައިންގެ އަދަދު ރައްޔިތުންނަށް ސާފުވާން ޖެހޭ ކަމަށް އެމަނިކުފާނު ގަބޫލުފުޅު ކުރައްވަންތޯ ނުވަތަ ނޫންތޯ ނޫސްވެރިޔަކު ކުރި ސުވާލަކަށް ޖަވާބު ދެއްވަމުންނެވެ.
ބުދަ ދުވަހުގެ ރޭ މަޖިލީހުގެ އިދާރާގައި ބޭއްވެވީ ނޫސްވެރިންގެ ބައްދަލުވުމެއްގައި ކުރި މި ސުވާލަށް ރައީސް ނަޝީދު ސީދާ ޖަވާބުދެއްވާފައެއް ނުވެއެވެ. ނަމަވެސް ރާއްޖޭގައި ތިބި އިންޑިއާ ސިފައިންނާ ހުރިހާ ކަމެއް ވެސް ދިވެހިން އެނގެން ބޭނުންވާނެ ކަމަށް ނަޝީދު ވިދާޅުވިއެވެ.
އެއްވެސް ގައުމަކަށް އަނެއް ގައުމެއްގައި ތިބެނީ، އެ ގައުމެއްގެ ކޮން ބައެއް ކަން އެނގޭތޯ ސުވާލު ކުރައްވައި ރައީސް ނަޝީދު ވިދާޅުވީ ހުއްދަ ލިބިގެން ރާއްޖެއަށް އައިސް، އެގްރީމަންޓްތަކުގެ ތެރެއިން ދޭދޭ ގައުމުތަކުގެ މެދުގައި ހިނގާ ތަމްރީނުތަކާއި އެބާވަތުގެ އެހެން ކަންކަން އަބަދު ވެސް ހިނގަމުންދާ ކަމަށާއި އެއީ ހަމައެކަނި މިހާރު ހިނގާ ކަމެއް ނޫން ކަމަށެވެ.
މީ ލާމެހިފައިވާ ދުނިޔެ އެއް ކަމަށާއި ދުނިޔޭގައި ހިނގާ ކަންކަން އިންސާފުވެރި ކަމާއެކީގައި ހަމަޖެހޭ ގޮތަކަށް ހައްލުކުރުމަށް ޓަކައި އެތައް ގައުމަކުން ބައިވެރިވާން ޖެހޭ ކަމުގައި ވެސް ރައީސް ނަޝީދު ވިދާޅުވިއެވެ.
އެގޮތުން ތަރައްގީވެފައިވާ ބައެއް ގައުމުތައް ކަމަށްވާ ޖަޕާނާއި ޖަރުމަނުން މިސާލު ނަންގަވައި ރައީސް ނަޝީދު ވިދާޅުވީ މިގައުމުގެ ތަކުގައި ވެސް ބޭރުގައި ސިފައިން ތިބޭ ކަމަށެވެ.
"ތިޔަ ބޭފުޅުން މިހާރު މިސާލަކަށް ބައްލަވާ، ޖަޕާނު މިނިވަންތޯ؟ ޖަރުމަނު މިނިވަންތޯ" އެ ދެ ގައުމުގައި އަދި ޔޫރަޕުގެ ގިނަ ގައުމުތަކުގައި ތަރައްގީވެފައިވާ ގިނަ ގައުމުތަކުގައި ކޮންމެވެސް އެހެން ގައުމެއްގެ އަސްކަރިއްޔާ ތިބޭނެ،" ރައީސް ނަޝީދު ވިދާޅުވިއެވެ.
އިންޑިއާ ކަނޑުގެ ސަލާމަތާއި ރައްކާތެރި ކަމަށް މި ސަރުކާރުން އިސްކަމެއް ދެއްވާކަން ފާހަގަކުރައްވައި ނަޝީދު ވިދާޅުވީ އެ މަސައްކަތް ކުރަނީ އިންޑިއާ، ޖަޕާނު، އޮސްޓްރޭލިއާ، އެމެރިކާ އަދި އިނގިރޭސިވިލާތާ ގުޅިގެން ކަމަށާއި މިކަމަށް އެމަނިކުފާނު ވަރަށް ބޮޑަށް ތާއީދު ކުރައްވާ ކަމަށެވެ.
ތިބޭނެ ބައިތިއްބާ _ ބިމު އަޑީގެ ފައިދާ އެއޮއްނަގާ ހުސްކުރަނީ
މީ ކުޑަކުޑަ ޤައުމެއް. މިޤައުމުގައި އަހަރެމެންގެ އަމިއްލަ މިނިވަންކަން ނަގާލަން ނޫޅުއްވާ! މިޤައުމު އަޅުގަނޑުމެންގެ ސިފައިންނާ ޙަވާލުކުރައްވާ! ތިޔަ އިންޑިއާ ސިފައިންވެސް ބެލެހެއްޓުމަށް ރާއްޖޭގެ ސިފައިންނާ ހަވާލުކުރައްވާ! އެމީހުން އުޅޭނޫޅޭގޮތް ރާއްޖޭގެ ސިފައިންނަށް ބެލެހެއްޓެންވާނެ! މޮނިޓަރ ކުރެވެންވާނެ! ރާއްޖޭގެ އެތެރޭގައި ނުތިބެ ރާއްޖޭގެ ބޯޑަރއިން ބޭރުގައި ތިބެގެން ރާއްޖޭގެ ސަރަހައްދު ބެލެހެއްޓޭނެ! އިންޑިއާ ސަރަހައްދުވެސް ބެލެހެއްޓޭނެ! އިންޑިއާ ސިފައިން ރާއްޖޭގައި ތިބެ އިންޑިއާ ސަރަހައްދު ބަލަހައްޓާކަށް ނުޖެހޭނެ!
އެހެން ވިއްޔާ 16 ވަނަ ގަރުނަ އެއީ ރާއްޖެ އެންމެ ތަރައްގިވީ ޒަމާނަކީ. ރާއްޖޭގައި ޕޯޗުގީޒުންގެ ސިފައިން ތިބި.