މުސާރައާއި އިނާޔަތްތައް ދެވޭ ވަރަށް ފައިސާ އެބަހުރި: މިނިސްޓަރު އަމީރު
ސިވިލް ސަރވިސް މުވައްޒަފުންނަށް ދޭނެ ފައިސާގެ އިތުރުން 65 އަހަރުން މަތީ މީހުންނަށް ދޭންޖެހޭ އިނާޔަތްތައް ދެވޭ ވަރަށް ވެސް ފައިސާ އެބަހުރި ކަމަށް ފިނޭންސް މިނިސްޓަރ އިބްރާހީމް އަމީރު ވިދާޅުވެއްޖެއެވެ.
ރައްޔިތުންގެ މަޖިލީހުގެ ޖަލްސާގައި މަޑުއްވަރީ ދާއިރާގެ މެމްބަރ އާދަމް ޝަރީފް ދައުލަތުގެ މުވައްޒަފުންނަށް ކިހާ ދުވަހަކު މުސާރަ ދެވޭވަރަށް ފައިސާ ހުރިތޯ އާއި 65 އަހަރުން މަތީ މީހުންނަށް ކިހާ ދުވަހަކު ފައިސާ ދެވޭނެ ވަރަށް ދައުލަތުގައި ފައިސާ ހުރިތޯ އެއްސެވި ސުވާލަށް ޖަވާބު ދެއްްވަމުން މިނިސްޓަރ ވިދާޅުވީ ކޮވިޑް-19 ގެ ބަލިމަޑުކަމުގައި ހާލަތުގައި ވެސް ސަރުކާރުން ރައްޔިތުންނަށް ފޯރުކޮށްދޭން ޖެހޭ ޚިދުމަތްތައް ފޯރުކޮށްދެމުން ގެންދާނެ ކަމަށެވެ.
އެގޮތުން މިނިސްޓަރު ވަނީ މި ދަތި ހާލަތުގައި ވެސް ސިވިލް ސަރވިސް މުވައްޒަފުންގެ މުސާރަ ކުޑަކޮށްފައި ނުވާނެ ކަން ފާހަގަކުރައްވާފައެވެ. މިނިސްޓަރު ވިދާޅުވީ ދައުލަތުގެ ހަރަދުތައް ކުޑަކުރުމުގެ ގޮތުން ކުޑަކޮށްފައިވާނީ މަޖިލީހުގެ މެމްބަރުންނާއި ސިޔާސީ މީހުންގެ ކަމަށެވެ.
މީގެ އިތުރުންވެސް ސަރުކާރުން ފަށާފައިވާ އެއްވެސް ޕްރޮޖެކްޓެއް ނުހުއްޓި ކުރިޔަށްދާ ކަން ފާހަގަކުރައްވިއެވެ.
އަދި ކޮވިޑް-19 މިއަދު ކޮންޓްރޯލް ކުރެވިފައި މިވަނީ ސަރުކާރުން ހެލްތް ކެއާ ސިސްޓަމް އަށް އިންވެސްޓު ކުރި ކުރުމުގެ ނަތީޖާއެއްގެ ގޮތުން ކަމަށާއި އެންމެ ފުރަތަމަ އިންޑިޔާގެ ޕޫނޭއަށް ކޮވިޑް-19 އަށް ޓެސްޓް ކުރުމަށް ފޮނުވި ނަމަވެސް މިހާރު ރާއްޖޭގައި ކޮވިޑް-19 އަށް ޓެސްޓް ކުރެވޭނެ އިންތިޒާމު ހަމަޖެހި ކެޕޭސިޓީ އިތުރު ކުރެވިގެންދާ ކަން މިނިސްޓަރު ފާހަގަކުރެއްވިއެވެ. އަދި ރާއްޖޭގެ ހުރިހާ ހިސާބެއްގައި ކޮވިޑް ފެސިލިޓީތައް ގާއިމު ކުރެވިފައިވާ ކަމުގައި ވެސް މިނިސްޓަރު އަމީން ވަނީ ވިދާޅުވެފައެވެ.
މުސާރަ ކުޑަނުކުރީމަ ނިމުނީތަ؟ މުޅި ހަވީރާ ރޭގަނޑު މަސައްކަތް ކުރުވާފަ ސިވިލް ސާރވިސް މުވައްޒަފުންގެ އޯޓީ ފައިސާ ކޮޅުވަނީ ކަނޑާލާފަ. ބުނީ ދައުލަތުގަ ފައިސާ ނެތީމަ އޯ. ޕިސް.. ޕިސް.