ވެރިކަމުގެ ނިޒާމު ބަދަލުކުރަން ބޭނުން، އެކަމަކު މިއީ އެ ބަހުސްގެ ވަގުތެއް ނޫން: ނަޝީދު
ބަރުލަމާނީ ނިޒާމަކަށް ރާއްޖޭގެ ވެރިކަން ކުރުމުގެ ނިޒާމު ބަދަލު ކުރުމަށް ބޭނުންވާ ކަމަށާއި، ނަމަވެސް މިއީ އެބަހުސް ކުރުމަށް އެންމެ ރަނގަޅު ވަގުތު ނޫން ކަމުގައި ރައްޔިތުންގެ މަޖިލީހުގެ ރައިސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ މިއަދުގެ މަޖިލިސް ޖަލްސާގައި، ވެރިކަމުގެ ނިޒާމު ބަދަލު ކުރުމަށް ގާނޫނުއަސާސީއަށް އިސްލާހު ގެންނަން ރައްޔިތުންގެ މަޖިލިހުގެ ކާށިދޫ ދާއިރާގެ މެންބަރު އަބްދުﷲ ޖާބިރު ބިލެއް ހުށަހެޅުއްވުމާ ގުޅިގެންނެވެ،
ރައީސް ނަޝީދު ވިދާޅުވީ ވެރިކަމުގެ ނިޒާމު ބަދަލު ކުރަން ތާއީދު ކުރައްވާ ކަމަށާއި އެމަނިކުފާނު އެ ވާހަކަ ދައްކާ ކަން ރާއްޖޭގެ ހުރިހާ ރައްޔިތުންނަށް ވެސް އެނގޭނެ ކަމަށެވެ. ނަމަވެސް މިއީ ވެރިކަމުގެ ނިޒާމު ބަދަލު ކުރުމަށް ބަހުސް ކުރުމަށް އެންމެ ރަނގަޅު ދަނޑިވަޅު ނޫން ކަމުގައި ނަޝީދު ފާހަގަ ކުރެއްވިއެވެ.
ޖާބިރު ހުށަހެޅުއްވި ބިލް ވަރަށް އަވަހަށް އެޖެންޑާ ކުރާނެ ކަމުގައި ވެސް ނަޝީދު ވިދާޅުވިއެވެ.
Ads by STO
