ފުލުހުންގެ ތަރުޖަމާނުގެ މަގާމަށް ޝިޔާމް ހަމަޖައްސައިފި

ދިވެހި ފުލުުހުންގެ ހިދުމަތުގެ ތަރުޖަމާނުގެ މަގާމަށް އަހުމަދު ޝިޔާމް ހަމަޖައްސައިފިއެވެ.

ފުލުހުންގެ ތަރުޖަމާނެއްގެ ގޮތުގައި މީގެ ކުރިން ހުންނެވީ ސުޕްރިންޑެންޓް އަހުމަދު އާރިފްއެވެ. ނަމަވެސް ފުލުހުން މިއަދު ބުނީ މިއަދުން ފެށިގެން އެ މަގާމަށް އިންސްޕެކްޓަ އޮފް ޕޮލިސް އަހުމަދު ޝިޔާމް ހަމަޖައްސާފައިވާ ކަމަށެވެ. އެ ބަދަލު ގެނައި ސަބަބެއް ހާމައެއް ނުކުރެއެވެ.

ޝިޔާމްއަކީ މީގެ ކުރިން ވެސް ފުލުހުންގެ މީޑިއާގައި މަސައްކަތް ކުރެއްވި ބޭފުޅެކެވެ.

ޝިޔާމްއަކީ މީގެ 12 އަހަރު ކުރިން ވަޒީފާއިން ވަކިކޮށްފައި ހުންނެވި ނަމަވެސް ޝިޔާމް ވަޒީފާއިން ވަކިކޮށްފައި ވަނީ ގާނޫނާ ޚިލާފަށް ކަމަށް މި އަހަރު ކުރީކޮޅު ހައިކޯޓުން ކުރި ހުކުމް ކުރުމާ ގުޅިގެން، މިދިޔަ ޖޫން މަހު އޭނާއަށް ވަނީ އަނބުރާ ވަޒީފާދީފައެވެ.