ކެފޭ ރެސްޓޯރަންޓްތަކުން ހިދުމަތްދެވޭ ވަގުތު އިތުރުކޮށްފި
މާލެ ސަރަހައްދުގައި ހިންގާ، ކެފޭ، ރެސްޓޯރަންޓް ފަދަ ތަންތާގެ ހިދުމަތްދޭ ވަގުތު އިތުރުކޮށް ރޭގަނޑު 10:30 އިން ފެށިގެން ފަތިހު 4:00 އަށް ހުއްޓައިލުމަށް އެޗްޕީއޭ އިން އަންގައިފިއެވެ.
ކޮވިޑް-19 ފެތުރުމާއި ގުޅިގެން، ބަލި ކޮންޓްރޯލް ކުރުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މީގެ ކުރިން ވަނީ ރޭގަނޑު 10:00 ން އަނެއް ދުވަހުގެ ފަތިހު 5:00 އަށް ބޭރަށް ނިކުމެ އުޅުން މަނާ ކޮށްފައެވެ.
މީގެ އިތުރުން ރޭގަނޑު 8:00 އަނެއް ދުވަހުގެ ފަތިހު 5:00 އާއި ހަމައަށް އެއްގަމު އުޅަނދު ފަހަރު ދުއްވުން ވެސް ކުރިން މަނާ ކުރުމަށްފަހު، މިދިޔަ ހަފްތާގައި އެޗްޕީއޭ އިން ވަނީ އެޤަވާއިދު ބަދަލުކޮށް ރޭގަނޑު 10:00 ން ފަތިހު 5:00 އަށް އެއްގަމު އުޅަނދުފަހަރު ދުއްވުން މަނާ ކޮށްފައެވެ.
ނަމަވެސް މިރޭ އެޗްއީއޯސީ/އެޗްޕީއޭ އިން އިއުލާނު ކޮށްފައިވަނީ މާލޭ ސަރަޙަައްދުގައި ރޭގަނޑު 11:00 ފެށިގެން އަނެއް ދުވަހުގެ ފަތިހު 4:00 އާއި ހަމައަަށް އެއްގަމު އުޅަނދު ދުއްވުން މަނާކޮށް، އެވަގުތުތަކުގައި ބޭރުގައި އުޅުންވެސް މަނާ ކޮށްފައެވެ.
