14 ދުވަހުގެ ކަރަންޓީން މުއްދަތު ކުރު ކުރުމުގެ ވިސްނުމެއް އަދި ނެތް : އެޗްއީއޯސީ
ކޮވިޑް-19 އަށް ފައްސިވެފައިވާ މީހަކާ ޑައިރެކްޓް ކޮންޓެކްޓް ވެގެން ނުވަތަ މާލެ ސަރަހައްދުން އަތޮޅު ތެރެއަށް ދާނަމަ، ފުރިހަމަ ކުރަން ޖެހޭ 14 ދުވަހުގެ ކަރަންޓީނު މުއްދަތު ކުރު ކުރުމުގެ ވިސްނުމެއް ނެތް ކަމުގައި އެޗްއޯއީސީން ހާމަކޮށްފިއެވެ.
އެޗްއޯއީސީގައި ރޭ ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން، އެޗްޕީއޭގެ އެޕިޑެމިއޮލޮޖިސްޓް ޑރ.އިބްރާހީމް އަފްޒަލް ވިދާޅުވީ ރާއްޖޭގައި ކަރަންޓީނުވާން ޖެހޭ މުއްދަތު ކުރު ކުރުމުގެ ވިސްނުމެއް އަދި ނުގެންގުޅޭ ކަަމަށެވެ.
އަދި މި ކަމަކަކީ މިހާލަތަށް ބަލާއިރު އެންމެ ރައްކާތެރި ގޮތެއް ނޫން ކަމުގައި ވެސް ޑރ. ފާހަގަކުރެއްވިއެވެ.
އަދި މިހާތަނަށް މި ފަދަ އެއްވެސް މަޝްވަރާއެއް ކުރެވިފައި ނުވާކަން ފާހަގަ ކުރައްވައި ޑރ. އަފްޒަލް ވިދާޅުވީ މި ފަދަ ނިންމުމެއް ނިންމާނަމަ ނިންމަވާނީ ވަަގުތާއި ހާލަތަށް ބެލުމަށް ފަހު ޓެގް ޓީމުގެ ލަފާގެ މަތިންކަމަށެވެ.
"ހަގީގަތުގައި މިތިބީ މުޅިއަކުން ރައްކާތެރި ފައްތަރެއްގައެއް ނޫން. އަޅުގަނޑުމެންގެ 14 ދުވަސް އޮންނަނީ އިތުރު ސޭފްޓީ މެޝަރ އެއްގެ ގޮތުގައި. އެހެން ނަމަވެސް ހާލަތާއި ވަގުތާއި އެކުގައި މިކަންކަމަކީ ބަދަލު އައުމުގެ ފުރުސަތު އޮންނާނެ ކަންތައްތައް." ޑރ ވިދާޅުވިއެވެ.
ރާއްޖޭގައި 14 ދުވަހުގެ މުއްދަތެއް އޮންނައިރު، ދުނިޔޭގެ ބައެއް ގައުމުތަކުގައި ކަރަންޓީނު މުއްދަތު ވަނީ 10 ދުވަހަށް ކުރުކޮށްފައެވެ.
Ads by STO
