ކޮވިޑް-19: މާލެ ސަރަޙައްދުގައި ސީރޯސާވަލެންސް ދިރާސާއެއް ކުރަނީ
މާލޭ ސަރަޙައްދުގައި ކޮވިޑް-19 ސީރޯސާރވޭލަންސް ދިރާސާއެއް ކުރަން ހަމަޖެހިފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
މިދިރާސާގެ ބޭނުމަކީ މާލެ ސަރަހައްދުގައި ދިރިއުޅޭ މީހުންގެ ތެރެއިން ކޯވިޑު-19ގެ ވައިރަސްއަށް ހުށައެޅިފައިވާ މިންވަރު ބަލައި، މާލޭ ސަރަހައްދުގައި ކޯވިޑު-19 ފެތުރިފައިވާ މިންވަރު ބެލުން ކަމަށް އެޗްޕީއޭ އިން ބުނެފައިވެއެވެ.
އެޗްޕީއޭ އިން ބުނި ގޮތުގައި މިދިރާސާއަށް މީހުން ހޮވާފައިވަނީ ގުރުއަތުންނެވެ.
މީގެ އިތުރުން އެޗްޕީއޭ އިން ބުނި ގޮތުގައި މިދިރާސާއަށް ބޭނުންވާ ޓެސްޓު ހަދާނީ ތިން މިލިލީޓަރުގެ ލޭ ނަގައިގެންނެވެ. ލޭ ނަގާނީ މިކަމަށް ތަމްރީނު ލިބިފައިވާ ޞިއްޙީދާއިރާގެ މީހުން ކަމަށާއި ލޭ ނެގުމުގައި ހުރިހާ ކަމެއް ބަހައްޓާނީ ޑަބްލިޔު.އެޗް.އޯގެ ސަލާމަތީ މިންގަޑާއި އެއްގޮތަށް ކަމަށް ވެސް އެޗްޕީއޭ އިން ބުނެފައިވެއެވެ.
ސީރޯސާރވޭލަންސް ދިރާސާގައި ޓެސްޓު ކުރުމަށް މާލޭ ސަރަހައްދުގެ ބައެއް ތަންތަނުގައި ސްޓޭޝަންތަކެއް ބެހެއްޓޭނެ ކަމަށާއި އެގޮތުން މި ސްޓޭޝަން ތައް ހުންނާނީ ހުކުރު ދުވަސް ފިޔަވާ ކޮންމެ ދުވަހަކު 16:00 ން 19:00 އަށް ކަމަށްވެސް އެޗްޕީއޭއިން ބުނެފައިވެއެވެ.
ސްޓޭޝަންތައް ބެހެއްޓޭ ސަރަޙައްދުތައް:
▪︎ މާލޭގައި: ގައުމީ ޔުނިވަރސިޓީގެ ފެކަލްޓީ އޮފް ހެލްތް ސައެންސަސް އާއި ފެކަލްޓީ އޮފް އެޑިއުކޭޝަން ގައި.
▪︎ ހުޅުމާލޭގައި: ޖެމްސް ޕްރީސްކޫލް ގައި
▪︎ ވިލިމަލޭގއި: ވިލިމީލެ ހޮސްޕިޓަލް ގައި
ބަލިހާލު ހުރިގޮތުން ޓެސްޓްކުރާތަނަށް ނާދެވޭ ހާލަތެއްގައި ހުރިނަމަ، ގެއަށް ގޮސް ސާމްޕަލް ނަގައި ދޭނެ ކަމަށް ވެސް އެޗްޕީއޭ އިން ބުނެފައި ވެއެވެ.
Ads by STO
