އެންމެ ފުރަތަމަ ކޮވިޑް-19 ވެކްސިން ޖަހާނީ ފްރޮންޓް ލައިންގައި މަސައްކަތްކުރާ މީހުންނަށް- އިންޑިއާ
ބާރު ދުވެލީގައި ކޮވިޑް-19 ވެކްސިން ދުނިޔޭގެ އެކި ކަންކޮޅު ތަކަށް ފޮނުވުމުގެ މަސައްކަތް ކުރަމުން ދާއިރު، އިންޑިޔާއަށް މި ވެކްސިން ލިބުމާއެކު އެންމެ ފުރަތަމަ ދޭނީ ފްރޮންޓްލައިންގައި މަސައްކަތް ކުރާ މީހުންނަށް ކަމަށް އިންޑިއާ ސަރުކާރުން ވިދާޅުވެއްޖެއެވެ.
ޔޫނިއަން ހެލްތް ސެކްރެޓަރީގެ ފަރާތުން ވާހަކަ ދައްކަވަމުން ރާޖޭސް ބޫޝާން ބުނީ އިންޑިޔާއިން އެންމެ ފުރަތަމަ މި ވެކްސިން ދެވޭނީ ފްރޮންޓްލައިންގައި މަސައްކަތްކުރަމުންދާ ގާތްގަނޑަކަށް 30 މިލިއަން މީހުންނަށް ކަމަށެވެ. މީގެ ތެރޭގައި ހިމެނެނީ ހަތް މިލިޔަން ޑޮކްޓަރުންނާއި ނަރުހުން އަދި 20 މިލިޔަން ފްރޮންޓްލައިންގައި ހަރަކާތްތެރިވާ ހެލްތް ވޯރކަރުންނެވެ.
ރާޖޭސް ބޫޝާން ބުނީ ވެކްސިންގެ ފުރަތަމަ ބުރު އިންޑިޔާއަށް ގެނައުމުގެ މަސައްކަތް ކުރަމުންދާ ކަމަށާއި ވެކްސިން ގެނައުމަށް ޝެޑިއުލް ކޮށްފައި ވަނީ އަންނަ އަހަރުގެ ޖެނުއަރީއާއި ޖުލައި މަހާއި ދެމެދުގައި ކަމަށެވެ.
މިދިޔަ ހަފްތާގައި ރައްޔިތުންނާ މުޙާތަބު ކުރަމުން ޕްރައިމް މިނިސްޓަރ ނަރެންދްރަ މޯދީ ވިދާޅުވީ ވެކްސިން ލިބޭ އެންމެ އަވަހަކަށް ރައްޔިތުންނާ ހަމަޔަށް ފޯރު ކޮށްދޭނެ ކަމުގެ ޔަގީންކަން ދޭ ކަމަށެވެ.
Ads by STO
