ލުތުފަރުގެ މަރުގެ މައްސަލައިގެ ޝަރީއަތެއް މާދަމާއަށް ތާވަލުކޮށްފި
ށ. ޅައިމަގު ބޯޓެއްގައި މަސައްކަތް ކުރަން އުޅެނިކޮށް މަރާލާފައިވާ ބަންގްލަދޭޝްގެ ރައްޔިތެއް ކަމަށްވާ ލުތުފަރު މަރާލި މައްސަލައިގައި ތިން މީހެއްގެ މައްޗަށް ކުރި ދައުވާގެ ޝަރީއަތުގެ އަޑުއެހުމެއް މާދަމާއަށް ތާވަލު ކޮށްފިއެވެ.
މި މައްސަލަ ކްރިމިނަލް ކޯޓުގައި އަޑުއެހުމެއް ބާއްވަން ތާވަލު ކޮށްފައި ވަނީ މާދަމާ ހެނދުނު 9:30 އަށެވެ.
ލުތުފަރު މަރާލުމަށްފަހު ކަނޑު ފައްތާފައި ވަނީ ކުރިމަގު ބޯޓުގެ ތައްޓު (ބޯޓުގެ ފަހަތް) މައްޗަށް އޭނާ ވައްޓާލައި ނޭވާ ހާސްކުރުމުގެ ފަހުން ކަމަށާއި އޭނާ މަރާލާފައި ވަނީ އޭނައާއެކު ކުރިމަގު ބޯޓުގައި މަސައްކަތް ކުރި މީހުންނާމެދު ގަދަކަމުން އެއް ޖިންސުގެ ގުޅުން ހިންގަން އުޅުމުން އެކަމާ ހިތްހަމަ ނުޖެހިގެން ކަމަށް ކުރެވުނު ތަހުގީގުތަކުގެ އަލީގައި މީގެ ކުރިން ފުލުހުން ވަނީ ބުނެފައެވެ.
ލުތުފަރު ގެއްލުނު ހިސާބު ޑައިވް ކޮށްގެން ބެލި ބެލުމުން ފުލުހުން ވަނީ އޭނާގެ ހަށިގަނޑުގެ ބައެއް ބައިތައް ކަނޑު އަޑިން ހޯދާފައެވެ.
