ކޮވިޑް19:ހުޅުމާލެ ފޭސް2 އިން 72 މީހަކު ފައްސިވެއްޖެ
ހުޅުމާލޭގެ ދެވަނަ ފިޔަވަހިން 72 މީހަކު ކޮވިޑް-19 އަށް ފައްސިވެފައިވާ ކަމަށް ހެލްތް އެމަޖެންސީ އޮޕަރޭޝަން ސެންޓަރު (އެޗްއޯއީސީން) ވިދާޅުވެއްޖެއެވެ.
ހޮނިހިރު ދުވަހު އެ ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ސެންޓަރުގެ ސްޕޯކްސްޕާސަން ޑރ.ނަޒްލާ ރަފީގް ވިދާޅުވީ މިދިޔަ ހަފްތާގެ ތެރޭގައި، ހުޅުމާލޭ ފޭސް2 ގައި ބިދޭސީން ދިރިއުޅޭ ސައިޓަކުން 72 މީހަކު ކޮވިޑަށް ފައްސިވެފައިވާ ކަމަށެވެ.
އެގޮތުން މިމަހުގެ 21 ވަނަ ދުވަހު ނެގި 60 ސާމްޕަލެއް ނަގާފައިވާއިރު އޭގެ ތެރެއިން 23 މީހަކު ފައްސިވެފައިވާ ކަމަށާއި، އެއަށް ފަހު މި މަހުގެ 23 ވަނަދުވަހު ނެގި ސާމްޕަލްތަކުން ހަތަރު މީހަކު އަދި މިއަދު ނެގި ސާމްޕަލް ތެރެއިން ދެ މީހަކު ފައްސިވެފައިވާކަމަށް ނަޒްލާ ވިދާޅުވިއެވެ.
ނަޒްލާ އިތުރަށް ވިދާޅުވީ މިހާރު އެ ތަނަށް ވަދެ ނިކުމެ އުޅުން މަނާކޮށްފައިވާ ކަމަށެވެ.
ރާއްޖޭގައި އިއްޔެ ކޮވިޑަށް ފައްސިވި 30 މީހުންނާއެކު ރާއްޖޭގައި މިވަގުތު ކޮވިޑަށް ފަރުވާދެމުން ގެންދަނީ 905 މީހަކަށެވެ.
