ކޮވިޑް-19: އައްޑޫ ސިޓީ ހިތަދޫން 2 މީހަކު ފައްސިވެއްޖެ

އައްޑޫ ސިޓީ ހިތަދޫގައި ހޯމް ކަރަންޓީނުގައި ތިބި ދެ މީހަކު ކޮވިޑް-19 އަށް ފައްސި ވެއްޖެއެވެ.

Ads by MWSC

ހެލްތު އެމަޖެންސީ އޮޕަރޭޝަން ސެންޓަރުން ހާމަކުރި ގޮތުގައި ފައްސިވެފައި ވަނީ ދެ ބިދޭސީންނެވެ. އަދި މި ދެ މީހުން ވެސް ފައްސިވެފައިވާ ކަން އެނގިފައިވަނީ އިއްޔެއެވެ.

ހިތަދޫން ފައްސިވި ދެ މީހުންނާއެކު އައްޑޫގައި މިވަގުތު ކޮވިޑް-19 ގެ އެކްޓިވް ކޭސްތަކުގެ އަދަދު ވަނީ 3ކަށް އަރާފައެވެ. ހުކުރު ދުވަހު އައްޑޫ ފޭދޫން ވެސް ބިދޭސީއެއް ކޮވިޑަށް ފައްސިވެފައި ވެއެވެ.

ރާއްޖޭގެ 22 ރަށެއްގައި ކޮވިޑް19 އަށް ފައްސިވެފައިވާ 47 މީހުން އެބަތިބިއެވެ. އެ 22 ރަށުގެ ތެރެއިން މިވަގުތު މޮނިޓަރިންގައި އޮތީ ހދ. ކުޅުދުއްފުށި އެކަންޏެވެ.