އަލްހަމްދު ލިالله، ރާއްޖެއިން ކޮވިޑް ޖެހުނު މީހުންގެ ތެރެއިން 92 އިންސައްތަ މީހުން ރަނގަޅު ވެއްޖެ
މުޅި ދުނިޔޭގައި ހަލުވި ކަމާއެކު ފެތުރެމުން އަންނަ ނުރައްކާތެރި ،ކޮވިޑް19 ގެ ބަލިމަޑުކަން ދިވެހިން ތަޙައްމަލް ކުރަމުން އަންނަތާ މިއަދަށް މިވީ 247 ދުވަހެވެ. މުޅި ރާއްޖެއިން ބަލިޖެހުނު މީހުންގެ އަދަދު މިހާރު ވަނީ 12 ހާހަށް ވުރެ ގިނަވެފައެވެ.
ފައްސިވާ މީހުންގެ އަދަދު މިހާރު ވަނީ ކުރިއާ އަޅާ ބަލާއިރު ދަށަށް ދާން ފަށާފައެވެ. އަދި ބަލިން ރަނގަޅުވާ މީހުންގެ އިންސައްތަ ވެސް ވަނީ މަތިވެފައެވެ.
އެޗްޕީއޭ އިން އެންމެ ފަހުން އާންމުކުރި ތަފާސް ހިސާބުތަކަށް ބަލާއިރު، ރާއްޖޭގެ މިވަގުތު ރިކަވަރީ ރޭޓު އުޅެނީ 92.69 އިންސައްތައިގައެވެ. މިހާތަނަށް ޖުމްލަ 11132 މީހަކަށް ވަނީ މި ބަލިން ޝިފާ ލިބިފައެވެ.
830 މީހުން އަދިވެސް ކޮވިޑަށް ފަރުވާ ހޯދަމުން އަންނައިރު، މީގެ ތެރެއިން 52 މީހުނަށް ފަރުވާ ދެމުން އަންނަނީ ހޮސްޕިޓަލުގައި އެނދުމަތި ކޮށްގެންނެވެ.
އައިސޮލޭޝަން ފެސިލިޓީތަކުގައި 225 މީހުން ފަރުވާ ހޯދަމުން ދާއިރު ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 52 މީހުންނެވެ.
އަދި މިހާތަނަށް މި ބަލީގައި ރާއްޖެއިން 40 މީހަކު ނިޔާވެފައި ވެއެވެ.
