ދެމަފިރިންގެ ދޭތެރޭގައި މައްސަލަ ޖެހެން މެދުވެރި ވަނީ ކީއްވެ؟
ދެމަފިރިންގެ ދޭތެރޭގައި މައްސަލަ ޖެހެން ދިމާވާ ސަބަަބުތައް ވަރަށް ގިނައެވެ. އެންމެ ފުރަތަމަ ކަމަކަށް ދެމީހުންގެ ދިރިއުޅުމަށް އެ ދޭންޖެހޭ ވަގުތު ނުދެވުމެވެ. ވަގުތަކީ ވަރަށް މުހިންމު އެއްޗެކެވެ. ކިތަންމެ ބުރަކޮށް އުޅެން ޖެހުނަސް ދެމީހުންނަށް އެ ލިބެންޖެހޭ ވަގުތު ދޭންވާނެއެވެ.
ދެމީހުން އެއްކޮށް އުޅޭއިރު މައްސަލަ ނުޖެހުމަކީ ނުވެ ނުދާނެ ކަމެކެވެ. މި ކަންތައް މިހެން ހުރި އިރު މައްސަލައެއް ޖެހުމުން ދެމީހުން ވާހަކަ ދައްކާ މައްސަލަ ހައްލު ކުރަން މަސައްކަތް ކުރާށެވެ. އޭގެ ބަދަލުގައި ވާހަކަ ނުދައްކާ ހުރުމުން ގިނަފަހަރު ދެމީހުންގެ ހިތުގައި ނަފްރަތު އުފެދި ދެމީހުންނަށް ރުޅި އިސް ކުރެވޭ ފަހަރު އާދެއެވެ.
ދެމީހުންގެ ދޭތެރޭގައި ޖެހޭ މައްސަލަ އެހެން މީހުންނާ ޙިއްސާ ކުރުމަކީ ރަނގަޅުކަމެއް ނޫނެވެ. އެހެންކަމުން އަބަދުވެސް ޖެހޭ މައްސަލަތައް އެހެން މީހުންނާ ހިއްސާ ނުކޮށް ހައްލު ކުރެވޭތޯ ބަލާށެވެ.
އެކަކު އަނެކަކު ނުރުހޭ ކަންތައްތައް ނުކުރާށެވެ. ދިމާވާ ހިތާމަތަކުގައި ކެތްތެރިވެ، ދަތިތަކުގެ ވަގުތުގައި އެކަކު އަނެކަކަށް އެހީތެރިވާށެވެ.
ކޮންމެ އަނތްބަކު ވެސް އެމީހެއްގެ ފިރިމީހާއަށް އިޙްތިރާމު ކުރާށެވެ. ހަމަ އެފަދައިން ފިރިމީހާ އަނބިމީހާއަށް އިހުތިރާމް ކުރާށެވެ. އިތުބާރު ކުރާށެވެ.
އަބަދުވެސް ވާހަކަ ދެއްކުމުގެ ކުރިން އަނެކާގެ ވާހަކަ އަޑުއެހުމަށް ތައްޔާރުވެ ހުންނާށެވެ. އަދި ރުޅި އިސްނުކޮށް އޯގާތެރިކަމާއި އެކު ވާހަކަ ދައްކާށެވެ. އަނެކާއަށް ގޯސްކޮށް ކަމެއް ކުރެވޭހިނދު ނަސޭހަތްތެރިވެ ރަނގަޅު ކުރުމަށް މަސައްކަތް ކުރާށެވެ.
ޖިންސީގުޅުން ނުހިންގާތީ