ގެންގުޅުނު ކުއްތާ، ކަޅި ޖަހާނުލާ ފާރަށް ބަލާތީ ކެމެރާ ހަރުކޮށްގެން ބެލީ ހަގީގަތް!
މިއީ އިނގިރޭސި ވިލާތުގައި އެކަނިމާ އެކަނި ދިރިއުޅެމުން އަންނަ ފިރިހެނެއްގެ ވާހަކައެވެ. އުމުރުން 29 އަހަރުގައި މި ފިރިހެން މީހާގެ އެކަނި ވެރިކަން ފިލުވުމަށްޓަކައި ކުއްތާއެއް ވެސް ގެންގުޅެއެވެ.
އެހެންނަމަވެސް ގިނަ ދުވަސްތަކެއް ވަންދެން އެއްކޮށް އުޅުނު ކުއްތާ ކުއްލިއަކަށް ފާރާ ދިމާލަށް ބަލަައްޓައިގެން އޮންނާތީ އެމީހާގެ ހިތަށް ހައިރާން ކަމާއެކު ކުޑަ ނަމަވެސް ބިރުވެރި ކަމެއް ވެރިވެއްޖެއެވެ. ކޮންމެއަކަސް މިކަމުގެ ހަގީގަތް ބަލަން މި ފިރިހެން މީހާ ވަރަށް ބޭނުން ވެއްޖެއެވެ. އެގޮތުން ކުޑަ ކެމެރާއެއް ހަރުކުރުމަށް ފަހު މުޅި ދުވަހު އެ ކުއްތާ އުޅެނީ ކިހިނެއްތޯ ބަލަން ނިންމިއެވެ.
ދުވަސް ނިމުމާއެކު ކެމެރާގައި ރެކޯޑުވެފައި އޮތް ވީޑިއޯ ބެލުމަށް އޭނާ ހުރީ ކެތް މަދުވެފައެވެ. ވީޑިއޯ ބަލާލުމާއެކު ފެނިގެން ދިޔައީ އެ ކުއްތާ ފާރުގެ އެއްފަރާތުން އަނެއް ފަރާތަށް ހޫރޭ މަންޒަރެވެ. އަދި ބައެއް ވަގުތު އެއްތަނެއްގައި ހުއްޓި ފާރަށް ބަލަން އޮންނަ މަންޒަރު ވެސް ފެނެއެވެ. އެ ކުއްތާ ކޮންމެ ވެސް ވާހަކައެއް އަންގައިދޭން އުޅޭ ކަހަލަ ގޮތަކަށެވެ.
ފާރުގައި ޖަހާފައި ހުރި ފިލާތައް ނައްޓާލުމަށް ނިންމައި އެ ފާރުގައި ހަރުކޮށްފައި ހުރި ފިލާތައް މަޑުމަޑުން ނައްޓަވަން ފެށިއެވެ. ފެނުނީ ހައިރާން ވާފަދަ މަންޒަރެކެވެ. އަތް ކޮށްޕާލެވޭ ވަރުގެ ކުޑަ ލޯވަޅެއް އެ ފާރުގައި ހުއްޓެވެ. ވަރަށް ބިރުން ހުރެ އެ ފިރިހެން މީހާ އެ ފާރުގެ ލޯވަޅަށް އަތް ކޮށްޕާލިއެވެ. އަތް ޖެހުނު އެއްޗަކުން މީހާ ދިޔައީ ސިއްސައިގެންނެވެ. ފާރުގެ އެ ތަންކޮޅު އެއަށް ވުރެ ބޮޑުކޮށް ތަޅާލުމަށް މަސައްކަތް ފަށައިފިއެވެ.
ފާރު ތެރެއިން މި ނެރުނީ ކުޑަކުޑަ ލޯބި ބުޅަލެކެވެ. އެ ބުޅާ އެތަނަށް އެވަނީ މީހަކު ގަސްތުގައި ލާފައި ކަން ޔަގީނެވެ. ބުޅަލުގެ ހާލު ދެރަ ކަމުން އެންމެ ފުރަތަމަ ވެސް ޖަނަވާރުންގެ ހޮސްޕިޓަލަށް ގެންގޮސް އެ ބުޅަލަށް ފަރުވާ ދިނެވެ.
މިހާރު އެގޭގައި ބުޅަލަކާއި ކުއްތާ އެއް ވެސް އުޅެއެވެ. ދޭތި ދޭއްޗަށް ވެސް ވަރަށް ލޯބި ވެއެވެ.
