ދިރިއުޅެމުން ދިޔަ ގޭގެ ބިމު އަޑިން އާދަޔާ ޚިލާފު އަޑެއް އިވޭތީ ހަގީގަތް ބަލައިފި!

މިއީ އެމެރިކާގައި ދިރިއުޅޭ ފިރިހެނެއްގެ ގޭގެ ބިމުއަޑިން އާދަޔާ ޚިލާފު އަޑުތަކެއް އިވޭތީ ހަގީގަތް ބެލިއިރު ފެނުނު ތަފާތު މަންޒަރެއްގެ ވާހަކައެވެ.

Ads by WAMCO

ގެއިން އަޑު އިވެމުން ދިޔަ ދިމާ

ބޭރުގެ މީޑިއާ ތަކުން މައުލޫމާތު ލިބިފައިވާ ގޮތުގައި މި މީހާއަަށް އެއަޑުތައް އިވެމުގެ ސަބަބުން ގިނަ ރޭރޭ ރަނގަޅަށް ނުވެސް ނިދެއެވެ. އެހެންކަމުން އެއްދުވަހު މި މީހާ ނިންމީ އެއަޑު އަންނަ ދިމާ ރަނގަޅަށް ބެލުމަށް ފަހު މިކަމަށް ނިމުމެއް ގެނައުމަށެވެ. އެހެން ނަމަވެސް ފެނުނީ އާދަޔާ ޚިލާފު މަންޒަރެކެވެ.

އަޑު އަންނަ ދިމާލުން ވެއްޓިފައިވާ ތަޅުނަގަނޑު

ވަރަށް ހޯދުންތަކަށް ފަހު އަޑު އަންނަ ދިމާ ކޮނުމަށްޓަކައި ދިޔައިރު، އެއަޑު އަންނަ ދިމާލުގެ ތަޅުންގަނޑުގެ އެއްބައި ވަނީ އެތެރެއަށް ވެއްޓިފައެވެ. މި ގެއަކީ މި ފިރިހެން މީހާ ވަރަށް ފަހުން ގަތް ގެއެއް ކަމުން އެކަހަލަ އެއްވެސް މައުލޫމާތެއް ވެސް ލިބިފައެއް ނުވެއެވެ. އަދި ގެ ވިއްކާލި އަގުގެ ހެޔޮ ކަމުން އަވަސް އަރުވާލައިގެން ގެ ގަތީ ކަމަށާއި، ގެ ގަތުމުގެ ކުރިން އެހާ ރީތި ގެއެއް އެހާ ކުޑައަގެއްގައި ވިއްކާލަން އެމީހުން ވިސްނީ ކީއްވެގެންތޯ އަހަން ހަނދާން ނުވީކަމަށް ވެސް ބޭރުގެ މީޑިއާތަކުން ޚަބަރު ލިބެއެވެ.

އެހާ ހެޔޮ އަގެއްގައި ގަތް ގެ

އެންމެ ފަހުން އެ ވެއްޓިފައިވާ ތަޅުންގަނޑު ހިމެނޭ ސަރަހައްދު ކޮންނަން ފެށީއެވެ. ވަކި ހިސާބަކަށް ދެވުނު ތަނާ ދަގަނޑު ކޮޅެއް ފެނުނެވެ. އެހެންނަމަވެސް އެ ދަގަނޑު ކޮޅު ނަގަން ކުރި މަސައްކަތް ވެސް ވީ ނާކާމިޔާބެވެ. އެހިސާބުން އެ ދަގަނޑު ގުޅިފައިވަނީ ބޮޑު އެއްޗަކާކަން ވިސްނުނެވެ. އަދި ހަގީގަތް ބަލަން ކެތް މަދުވެފައި ވާ ހާލު އެ ވަޅުގަނޑު ކޮންނަމުން ދިޔައެވެ.

ވަކި ހިސާބަކަށް ދެވުނު ތަނާ ފެނުނީ ދަގަނޑު ހަރުގަނޑެކެވެ. ވަރަށް ދުވަސް ވެފައިވާ ކުރީގެ ހަރުގަނޑެކެވެ. އެ ހަރުގަނޑުން ފައިބައިގެން ކޮންމެ ވެސް ތަނަކަށް ފޭބެން ހުންނަ ކަހަލައެވެ. އެހިސާބުން އޭނަ އެކަނި އެކަމުގައި އުޅުން އެހާ ރައްކާތެރި ނޫންކަމަށް ދެކި ދެން ގެނައީ ބައްޕައެވެ. ދެބަފައިން ވެގެން މުޅި އެ ވަޅުގަނޑު ކޮނެ އެތަނުގެ ހަގީގަތް ވެސް ހޯދައިފިއެވެ.

ހަރުގަނޑު

އެ ވަޅުގަނޑު ކޮންނަނީ

އެންމެ ފަހުން އެހާ ކުޑަ އަގެއްގައި ގަތް ގޭގެ ބިމުއަޑީގައި ވެސް އެވަނީ 2 ކޮޓަރިއެވެ. އިވެމުން ދިޔަ އަޑުތަކަކީ އެ ކޮޓަރީގައި ހުރި ދަގަނޑުތަކެއް އެކަތި އަނެކައްޗަށް ޖެހެމުން ދިޔައަޑެވެ. އެ ގޭގެ ބިމު އަޑީގައި އެވާ 2 ކޮޓަރީގެ ސިއްރު ހޯދަން ކުރި މަސައްކަތުގައި އެނގިގެން ދިޔައީ އެތަނަކީ ދެވަނަ ބޮޑު ހަނގުރާމައިގައި ހަމަލާތަކުން ރައްކާތެރިވުމަށް ތައްޔާރު ކުރެވުނު ބިންގަރާހެއް ކަމެވެ. އަދި މިހާރު އެ ތަން ތަހުގީގު ކުރަމުން އަންނަނީ ފުލުހުންނެވެ.

ހަގީގަތުގައި އެތަނަކީ މިއީ