ދުއާ ކުރާނީ ރައީސް ޔާމީނަށް ލުޔެއް ލިބި މިނިވަން ވުމަށް: ރައީސް ނަޝީދު
މާފުށީ ޖަލުގައި 5 އަހަރުގެ ޙުކުމެއް ފުރުއްވަމުން ގެންދަވާ އިދިކޮޅު ކޯލިޝަންގެ ލީޑަރ ކުރީގެ ރައީސް އަބްދުﷲ ޔާމީން އަބްދުލް ޤައްޔޫމަށް ކޮށްފައިވާ ހުކުމަށް ލުޔެއް ލިބި މިނިވަންވުމަށް ދުޢާ ދަންނަވާ ކަމުގައި، ރައީސް ޔާމީންގެ އެންމެ ބޮޑު އެއް ވާދަވެރިޔާ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެ އެވެ.
މިމޭރުމުން ނަޝީދު ވިދާޅުވެފައި ވަނީ ފުނަދޫ ދާއިރާގެ މެންބަރު މުހައްމަދު ޝާހިދު މިއަދުގެ ރައްޔިތުންގެ މަޖިލީހުގައި ދެއްކެވި ވާހަކަފުޅާ ގުޅިގެން ޝިޔާމް ނެންގެވި ނިޒާމީ ނުކުތާއަށް ފަހު، ވާހަކަފުޅު ދައްކަވަމުންނެވެ.
"އަޅުގަނޑުވެސް ދުޢާ ކުރަނީ ޔައީސް ޔާމީނަށް ވީހާވެސް އަވަހަކަށް ލުޔެއް ލިބި މިނިވަން ވުމަށް." ނަޝީދު ވިދާޅުވިއެވެ.
ރައީސް ޔާމީނަށް ޖަލުގައި އޮންނަވާތާ 1 އަހަރު ފުރުމުން، އެމަނިކުފާނު މިނިވަން ކުރުމަށް ގޮވާލާ މިދިޔަ ހޮނިހިރު ދުވަހު އިދިކޮޅު ފަރާތްތަކުން މުޒާހަރާ ކޮށްފައިވާއިރު، ފުނަދޫ ދާއިރާގެ މެންބަރު މުހައްމަދު ޝާހިދު މިކަމަށް ފާޑު ވިދާޅުވަމުން ވިދާޅުވީ، އާއްމު މެންބަރުން، "ދަތުރު ވަޑައިގެން، ނާޗަރަންގީ ކުޅުއްވި" ކަމަށެވެ.
އެއަށްފަހު ނައިފަރު ދާއިރާގެ މެމްބަރު ޝިޔާމް ނެންގެވި ނިޒާމީ ނުކުތާއެއް ނަންގަވާ ވިދާޅުވީ ވިދާޅުވީ، ރައީސް ޔާމީން ޖަލުގައި އޮންނަވަނީ ނުޙައްޤުން ކަމަށާއި ރައީސް ޔާމީނަކީ ފިއްލަވާނެ ބޭފުޅެއް ނޫން ކަމަށެވެ. އަދި އެމަނިކުފާނު ޖަލުގައި އޮންނަވާތީ ދިވެހި ރައްޔިތުން ކަންބޮޑުވާ ކަމަށް ވެސް ޝިޔާމް ވިދާޅުވިއެވެ.
"ރައީސް ޔާމީނަށް ނުޙައްޤުން ނާއިންސާފުން 5 އަހަރު ޖަހާފައި އެއޮތީ. ރައީސް ޔާމީނަކީ ފިއްލަވާނެ ބޭފުޅެއް ނޫން. އެމަނިކުފާނު 5 އަހަރު އޮންނަވަން ޖެހޭ ކަމަށް ވަންޏާމު 5 އަހަރު އޮންނަވާނެ." ޝިޔާމް ވިދާޅުވިއެވެ.
ރައީސް ޔާމީނުގެ މައްޗަށް ފަސް މިލިއަން ޑޮލަރުން ޖޫރިމަނާ ކުރުމާއެކު، 5 އަހަރުގެ ޖަލު ހުކުމެއް އިއްވީ ނޮވެމްބަރު 28، 2019 ގައެވެ. ރައީސް ޔާމީނަށް ތާޢީދު ކުރައްވާ އެތައްބަޔަކު ބުނަމުން އަންނަނީ، ރައީސް ޔާމީނަށް އިއްވި ހުކުމަކީ ނުހައްގު ދައުވާއެއްކޮށް އިއްވާފައިވާ ހުކުމެއް ކަމަށެވެ. ޚާއްޞަކޮށް ޙުކުމް އިއްވި ފަނޑިޔާރު ޢަލީ ރަޝީދުގެ ސުލޫކީ މައްސަލައެއް ފެންމަތިވެފައި ވަނިކޮށް ، އޭނާ އިސްވެ ހުކުމް ކުރުމާ އޭގެ ފަހުން "އިނާމެއްގެ" ގޮތުގައި ސްޕްރީމް ކޯޓްގެ ފަނޑިޔާރުކަން ލިބުނުކަން އިދިކޮޅުން ފާހަގަ ކުރެއެވެ.
މަނީ ލޯންޑަރިންގެ ކުށް އެމަނިކުފާނުގެ މައްޗަށް ސާބިތުވެފައިވަނީ، އެމަނިކުފާނުގެ ވެރިކަމުގައި ހިނގި އެމްއެމްޕީއާރުސީގެ ހިޔާނާތުގެ ފައިސާގެ ތެރެއިން އެއް މިލިއަން ޑޮލަރު އެމަނިކުފާނުގެ އަމިއްލަފުޅު އެކައުންޓަށް ޖަމާކުރެއްވި ކަމަށް ތުހުމަތު ކުރާ މައްސަލައިގައެވެ. ދައުލަތުން ވިދާޅުވާ ގޮތުގައި އެއީ ގއ. ވޮޑަމުލާ ލީޒްކޮށްގެން ދައުލަތަށް ލިބެން ޖެހޭ ފައިސާގެ ތެރޭގައި ހިމެނޭ އެއް މިލިއަން ޑޮލަރެވެ.
އުހު. އެއްވެސް ލުޔެއް ދީގެންނުވާނެ. އުތުރު ޙުކުމް ހަމަ މިހާރު އިއްވާފަ އިތުރު 25 އަހަރު ޖަހަންވީ. ޔާމީނަކީ ހަމަ ފައްކާވަގެއް. ވަގުންނަށް މި ދިވެހި ބިމުން އިތުރު ފުރުޞަތެއް ނުދޭނަން
ކޮންތާކު ދެއުޅި އެއްނުވާ ވާހަކަ! ނާއިންސާފުން ގާޒީ ބަދަލުކޮށްގެން ހުކުމް ކުރި އިރު އަނގައިން ނުބުނެހުރެފަ އެއީ އިންސާފުކަމަށް ދެއްކި ވަކާލާތުކޮށް ހަދާފަ މިއަދު ކޯއްޗެކޭކިޔާކަށް ތިޔަ އުޅެނި މަންޒަރު ބަދަލުވާހެން ހީވީމަ!