ނިދާއިރު އެނދުކައިރީގައި ލުނބޮއެއް ބާއްވަންވީ މިހެންވެ!
ލުނބޮއަކީ ގިނަ ބޭނުންތައް ކުރެވޭ އެއްޗެކެވެ. ކެއުމުގެ އިތުރުން، ސާފު ކުރުމަށް ވެސް ލުނބޯ ބޭނުން ކުރެއެވެ. އެހެން ނަމަވެސް ނިދާއިރުގައި އެނދު ކައިރީގައި ލުނބޯފަޅިއެއް ބޭއްވުމުން ލިބޭ ފައިދާތައް ވެސް ވަރަށް ގިނައެވެ.
ނިދާއިރު ލުނބޯފަޅިއެއް އެނދު ކައިރީގައި ބޭއްވުމުގެ ސަބަބުން ތިމާގެ "އެންޒައިޓީ" ލެވެލް ދަށްކޮށް އެންޒައިޓީއިން ތިމާ ރައްކާކޮށްދެއެވެ. ތިމާ ހެލާ ހުންނަ ވަގުތު ކުރާ މަސައްކަތްތަކުގެ ސަބަބުން ތިމާގެ "ސްޓްރެސް" ދަށް ކުރުމަށް ލުނބޯ ވަރަށް ބޮޑު ރޯލެއް އަދާ ކުރެއެވެ.
ހަމަ އެހެންމެ ލޭމައްޗަަށް ދާ މީހުންގެ މިބައްޔަށް ވެސް މިއީ ވަރަށް ރަނގަޅު ކަމެކެވެ. މިހެން ދެންނެވުމުން ބައެއް ބޭފުޅުން ހިތަށް އަރާފާނެއެވެ. ލުނބޯ އެހެން ބޭއްވީމާ ވަކި ފައިިދާ ކުރަނީ ކޮން ގޮތަކުން ހެއްޔެވެ؟ އާދޭހެވެ. ލުނބޮއަކީ ކުރިން ގައިން މީރުވަސް ދުއްވުމަށް ހުވަނދެއްގެ ގޮތުގައި ވެސް ބޭނުން ކުރި އެއްޗެެކެވެ.
އެގޮތުގެ މަތިން ލުނބޯފަޅިއެއް ނިދާ އެނދު ކައިރީގައި ބޭއްވުމުން އެ ލުނބޯގެ ވަސް މުޅި ކޮޓަރިއަށް ފެތުރިގެން ދާނެއެވެ. އަދި ކޮޓަރި އުޖާލާކޮށް "ސްޕާ" އެއްގައި އުޅެވޭހެން ހީވާ ވަރަށް ހިތްހަމަ ޖެހިގެން ދާނެއެވެ. އަދި މި ވަހުގެ ސަބަބުން ތިމާގެ ހަށިގަނޑަށް އިސްވެ ދިޔަ ކަންކަމުން ސަލާމަތް ވުމަށް ވެސް މަގުފަހި ވެގެން ދާނެއެވެ.
އަދި ހަމަ އެހެންމެ ނަފްސާނީ ބަލިމަޑުކަމެއް ތަހައްމަލު ކުރަމުން އަންނަ މީހަކަށް ވެސް މިކަމުގެ ސަބަބުން ވަރަށް ބޮޑަށް ފަސޭހަތަކެއް ވެގެންދާނެއެވެ. ނިފާދައި އޮންނައިރު ތިމާ ނޭވާ ލާން އެތެރެއަށް ދަމާ ވަޔަކީ ސާފު ވައިކަން ޔަގީން ކޮށްދިނުމުގައި ލުނބޯ ވަރަށް ބޮޑު އެހީތެރިކަމެއް ފޯރުކޮށްދެއެވެ. އެހެން ކަމުން ނިދާއިރު ގާތުގައި ލުނބޮއެއް ބާއްވައިގެން ނިދުމަކީ ވަރަށް ވެސް ފައިދާހުރި ކަމެކެވެ.
