މިއީ ދުނިޔޭގެ އެންމެ އަގުބޮޑު ދަބަސް، އަގު އެނގިއްޖެ ނަމަ ސިއްސައިގެންދާނެ!
ފިހާރަތަކުންނާއި އޮންލައިން ޕޭޖުތަކުން ވެސް އަގުބޮޑު ދަބަސްތައް ދެކެެމެވެ. އަދި އެ ދަބަސްތައް އެހާ އަގު ބޮޑު ވާންވީ ކީއްވެގެންތޯ ސުވާލު އުފެދެއެވެ. އެހާ އަގު ބޮޑު އިރުގައި ވެސް ބައެެއް މީހުން އެ ދަބަސްތައް ގަންނާތީ ހައިރާން ވެސް ވެއެވެ. އެހެން ނަމަވެސް މި ފަހަރު ބޭރުގެ މީޑިއާއެއްގައި މިއޮތް ވާހަކައެއް ފެނުމުން ދިޔައީ ސިއްސައިގެންނެވެ. މިއީ ދުނިޔޭގެ އެންމެ އަގުބޮޑު ދަބަހެވެ.
އިޓަލީގެ މަޝްހޫރު ބްރޭންޑެއް ކަމަށްވާ "ބޯރިނީ މިލޭނީސް" އިން މިވަނީ ދުނިޔޭގެ އެންމެ އަގުބޮޑު ދަބަހުގެ އަގު އާންމު ކޮށްފައެެވެ. މިދަބަހުގެ އަގަކީ 6 މިލިއަން ޔޫރޯ ކަމަށާއި މި ދަަބަސް ވިއްކައިގެން ލިބޭ ފައިދާގެ ބައެއް ކަނޑުތައް ސާފުކު ރުމަށް ބޭނުން ކުރާނެ ކަމަށް އެ ކުންފުނިން ބުނެއެވެ. މި ދަބަހުގެ އަގަކީ ރާއްޖޭގެ ރުފިޔާއިން ބަލާނަމަ 112671751.50 ރުފިޔާއެވެ.
މި ބްރޭންޑުން އުފައްދަނީ މައިގަނޑު 3 ވައްތަރެއްގެ ދަބަހެވެ. އެ ދަބަސްތައް ވިއްކައިގެން ލިބޭ ފައިދާގެ ތެރެއިން 800،000 ޔޫރޯ އެމީހުން ހޭދަ ކުރަނީ ކަނޑުތައް ސާފު ކުރުމަށެވެ.
މި ދަބަހަކީ ދުނިޔޭގެ އެންމެ އަގުބޮޑު ދަބަސް ކަމަށްވާތީ އެ ބްރޭންޑުން ވަރަށް ފަހުރުވެރިވާ ކަމަށް އެ ބްރޭންޑުން ހާމަ ކުރެއެވެ. މި ދަބަސް އެހާ އަގުބޮޑު ކުރުމުގެ ސަބަބަކީ ކަނޑުތައް ސާފުކުރުމަށް މީހުން ހޭލުންތެރިކުރުވުން ކަމަށްވެސް މި ބްރޭންޑުން ބުނެއެވެ.
މިފަދަ އެންމެ ދަބަހެއް ތައްޔާރު ކުރުމަށް ވެސް 1000 ގަޑިއިރު ނަގާ ކަމަށް ވެއެވެ. އެއީ 41 ދުވަހެވެ. މި ދަބަސް ތައްޔާރު ކޮށްފައި ހުންނަނީ ވަރަށް ވިދާ ބަބުޅާ ގޮތަކަށެވެ. އޭގެ ޑިޒައިނުގައި 10 ކޮކާ ހަރު ކުރެވިފައި ހުރެއެވެ. މި ކޮކާތަކުގެ ތެރެއިން 4 ކޮކާ ތައްޔާރު ކުރެވިފައި ވަނީ ހަމަ ސީދާ ޑައިމަންޑު ބޭނުން ކޮށްގެން ކަމަށް އެ ބްރޭންޑުން ބުނެއެވެ އަދި އެހެން ކޮކާތައް ވެސް ތައްޔާރު ކުރެވިފައިވަނީ އަގު ބޮޑެތި ޖަވާހިރުންނެވެ. މި ދަބަސް އުފައްދާފައިވަނީ 2016 ވަނަ އަހަރުގައެވެ.
ގިނަސް ވޯލްޑް ރިކޯޑް ފޮތުގައި ވާ ގޮތުން ނަމަ މިހާރު ދުނިޔޭގައިވާ އެންމެ އަގުބޮޑު ދަބަހަކީ ހިތެއްގެ ބައްޓަމަށް ޑައިމަންޑުން ތައްޔާރު ކޮށްފައިވާ ޕާހެކެވެ. މި ދަބަސް ތައްޔާރު ކުރެވިފައި ވަނީ 18 ކެރެޓް ރަން ބޭނުން ކޮށްގެންނެވެ. އަދި 4517 ޑައިމަންޑު ވެސް މި ދަބަހުގައި ހިމެނެއެވެ.
