ނަމާދަށް ދާން ޖެހޭނީ ކުރާ މަސައްކަތެއް ކޮށް ނިންމާފައި : ނަޝީދު
ނަމާދަށް ދާން ޖެހޭނީ އެވަގުތު ކުރަން އިން މަސައްކަތެއް އަވަހަށް ކޮށް ނިންމުމަށް ފަހުގައި ކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
މަޖިލީހުގައި މިރޭ ކުރިއަށްދާ ޖަލްސާ މެދުކަނޑާލުމުގެ ކުރިން މެންބަރުންނާ ވާހަކަ ދައްކަވަމުން ނަޝީދު ވިދާޅުވީ ނަމާދަށް ދާން ޖެހެނީ އެ ކުރާ ކަމެއް އަވަހަށްކޮށް ނިންމުމަށް ފަހުގައި ކަމަށެވެ.
""ނަމާދަށް އަރުއްވާ ބޭފުޅުންނަށް އެނގިވަޑައިގަންނަވާނެ މިހާރު ޢިޝާ ނަމާދަށް ގޮވަނީ 07:12 ގައިކަން. މަޣުރިބު ނަމާދަށް ހަމަ ދެންމެއަކު އެގޮވީ. މާވަށު ދާއިރާގެ އިއްޒަތްތެރި މެންބަރަށް ދަންނަވާލަން ބޭނުން ނަމާދުގައި އޮންނަ ގޮތަކީ އެކުރާކަމެއް އަވަހަށްކޮށް ނިންމާފައި ނަމާދަށް ދިއުން. އެގޮތަށް އަޅުގަނޑުމެންނަށް މިކަމުގައި އަބަދުވެސް އެނގިފައި އޮންނަނީ." މާވަށު ދާއިރާގެ މެންބަރު މުހައްމަދު ސައީދަށް ނިސްބަތް ކުރައްވާ ނަޝީދު ވިދާޅުވިއެވެ.
ނަޝީދު މިހެން ވިދާޅުވި ނަމަވެސް ދީނީ އިލްމުވެރިން ވިދާޅުވާ ގޮތުގައި އެންމެ ހެޔޮކަން ބޮޑު އަދި އެންމެ އެދެވިގެންވާ ގޮތަކީ ނަމާދަށް ވަގުތު ވަނުމާއެކު، ކުރަން ހުރި މަސައްކަތެއް ހުއްޓާލުމަށް ފަހު ނަމާދު ކުރުމެވެ.
މީގެ ކުރިން ވެސް ނަޝީދު ދީނާ ގުޅުވައިގެން ދައްކަވާފައި ހުރި ބައެއް ވާހަކަތަކަށް އިލްމުވެރިންނާއި އާންމުންގެ ފާޑު އަމާޒުވެފައިވެއެވެ. އެގޮތުން ދާދި ފަހުން މަޖިލީހުގައި ކީރިތި ޤުރުއާނުގެ އާޔަތްތަކާއި މާނަ ނުކިޔުމަށް ނަޝީދު އެދުމުން އެކަމާ ގުޅިގެން ވެސް ވަނީ ގިނަ ބައެއްގެ ނުރުހުން ނަޝީދަށް އަމާޒު ވެފައެވެ.
ނަމާދަކީ ކުރަން އޮތް ކަމެއްކޮށް ނިންމާފަ ހިތަށް އެރި ގަޑިއަކު ކުރަން އޮންނަ އަޅުކަމެއް ނޫން! އެއީ ވަގުތު ކަނޑައެޅިގެންވާ ފަރުޟެއް!
އެވަރުންވެސް މީނަގެ ފޮޑިން ވަސް ބަލަމުން އަތް ޖަހަމުން ދުވާ މީހުން މަދެއްނޫން
މަޖިލީހުގައި ޤުރުއާން ނުކިޔަވަން ބުނީ އޭނާއަށް ނޭންގޭތީ.. މިހާރު ޝައިޚްއަކަށް ބަދަލުވީތަ..
ނަމާދު ކުރާ ގަޑި ކަނޑައެޅޭނެ އެއްވެސް އިންސާނެއް މި ދުނިޔެ މަތީގަ ނުހުންނާނެ. ނަމާދު ގެ ގަޑި ވަކި ފަރާތަކުން އޮތީ އެންމެ ފުރިހަމައައް ކަނޑައަޅާފަ. މުސްލިމެއްގެ މައްޗައް މިދުނިޔެ މަތީ ނަމާދައްވުރެ މުހިއްމު މަސައްކަތެއް ނޯންނާނެ.. ނަމާދައް ވުރެ އެހެން ކަންތައް ނަމާދު ވަގުތު ކުރަން އިސްކުރާ މީހަކީ ފުރިހަމަ މުސްލިމަކައް ނުވާނެ.. އޭނާ ވާނީ ޝައިތާނާގެ ވަސްވާހުގަ ޖެހިފަ ވާ ބޮޑު އުރެދުން ތެރިއަކައް!!