ކްރިސްމަސް އާއެކު ކޮވިޑް-19 ވެކްސިން ޖެހޭނެ: ޖާބިރު
ކްރިސްމަސް އާއެކު ކޮވިޑް-19 އަށް ވެކްސިން ޖެހޭނެ ކަމުގައި ކާށިދޫ ދާއިރާގެ މެންބަރު އަބްދުﷲ ޖާބިރު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ޓޫރިޒަމާ ބެހޭ ބިލަށް ބަހުސް ކޮށް ނިންމަވާލަމުން ޖާބިރު ވަނީ ޓޫރިޒަމް ދާއިރާގައި ހަރަކާތްތެރިވާ ހުރިހާ މުވައްޒަފުންނާ ޓޫރިޒަމް މުޅި އިންޑަސްޓްރީއަށް މަރުހަބާ ދަންނަވާފައެވެ.
މީގެ އިތުރުން ޖާބިރު ވަނީ ކްރިސްޓިއަނުން ފާހަގަކުރާ އީދެއް ކަމަށްވާ ކްރިސްމަސް އާއެކު ކޮވިޑް ވެކްސިން ޖެހޭނެ ކަމަށް ވެސް ވިދާޅުވެފައެވެ.
"ހުރިހާ މުވައްޒަފުންނަށް ވެސް އުޖާލާ ނިއު އިޔާ އެއް އަންނާނެ. ހެޕީ ނިއު އިޔާ ކިޔަން އަޅުގަނޑު. އަދި ކްރިސްމަސް އާއެކު މި ވެކްސިން ޖެހޭނެ. ރާއްޖެއަށް އަންނަ ފްލައިޓުތައް އިތުރުވެގެން ދާނެ" ޖާބިރު ވިދާޅުވިއެވެ.
އަދި ބޭންކްތައް ހުޅުވޭނެކަން ފާހަގަކުރައްވައި ޖާބިރު ވަނީ ބޭންކް އޮފް މޯލްޑިވްސްގައި ހުރި ރުފިޔާތައް ލެންޑު ކުރުމަށް ގޮވާލާފައެވެ.
