ޓުއަރިޒަމް ގާނޫނަށް ގެނެވޭ އިސްލާހަކީ ބަޖެޓަށް ފައިސާ ހޯދަން ގޮތް ހުސްވެގެން ގެނައި އިސްލާހުތަކެއް : ސައީދު
ޓުއަރިޒަމް ގާނޫނަށް ގެނެވޭ އިސްލާހަކީ ބަޖެޓަށް ފައިސާ ހޯދަން ގޮތް ހުސްވެގެން ގެނައި އިސްލާހުތަކެއް ކަމަށް މާވަށު ދާއިރާގެ މެންބަރު މުޙައްމަދު ސައީދު ވިދާޅުވެއްޖެއެވެ.
ސަޢީދު މިހެން ވިދާޅުވެފައި ވަނީ މިއަދު ކުރިޔަށްދާ މަޖިލިސް ޖަލްސާގައި ވާހަކަފުޅު ދައްކަވަމުންނެވެ.
ޓުއަރިޒަމް ގާނޫނަށް ގެނެވޭ އިސްލާހުގެ ބިލުން ރާއްޖޭގެ ދެކޮޅަށް ތަފާތުކުރުން ގެނެވޭ ކަމަށް ސައީދު ވިދާޅުވިއެވެ. އަދި އައްޑޫ ސިޓީއަށް އެ ބިލުން މާބޮޑު އަސަރެއް ކުރާނެ ޖާގަ ނެތްކަން އައްޑޫ މެންބަރުންގެ ދޫފުޅުން ވެސް އަޑުއިވިގެން ދިޔަ ކަމަށެވެ.
މީގެ އިތުރުން ތިލަދުންމައްޗާއި ރާއްޖޭގެ ދެކޮޅާ ރެންޓުގެ ތަފާތުކުރުން ގެންގުޅެމުން ދާތީ އެކަމާ ސައީދު ވަނީ ނުރުހުން ފާޅުކޮށްފައެވެ.
"ތިލަދުންމައްޗާއި ރާއްޖޭގެ ދެކޮޅާ ރެންޓުގެ ތަފާތުކުރުން އެ ގެނައީ ކޮން ލޮޖިކަކުން ކޮން ގޮތަކަށް ވިސްނައިގެން ކަމެއް ބުނެދޭނެ އެކްސްޕާޓެއް ނުގެނެއޭ މި ބިލު ތަހުގީގު ކުރެވިގެން ދިޔައީ" ސައީދު ވިދާޅުވިއެވެ.
ނ.މާފަރުގައި އެއަރޕޯޓް ތަރައްގީކުރީ ރައީސް ޔާމީންގެ ސަރުކާރުންކަން ފާހަގަކުރައްވާ ސައީދު ވިދާޅުވީ އެ އެއަރޕޯޓުގެ ނަތީޖާއަކީ 100 ޖެޓު އެ އެއަރޕޯޓުގައި ޖެއްސުން ކަމަށާއި ދުނިޔޭގެ. އަގު ބޮޑެތި އަދި އަގު ހެޔޮ ބްރޭންޑްތައް ނ. އަތޮޅަށް ޖަމާވުން ކަމަށް ވެސް ސައީދު ވިދާޅުވިއެވެ.
Ads by STO
