އިންޑިއާގެ ހެޑްލައިނެއް: "ރާއްޖެ ދޫކޮށްލާ! ތައިލެންޑުގެ ފަތުރުވެރިކަން މާރަނގަޅުވެއްޖެ!"
ޗުއްޓީ ހޭދަކުރަން ރާއްޖެއަށް އައުމަށްވުރެ ތައިލެންޑަށް ދިޔުން މާރަނގަޅުވާނެ ކަމަށް ބުނާފަދަ މޭރުމަކުން އިންޑިއާގެ ނޫހެއްގައި ރިޕޯޓެއް ޝާއިޢު ކޮށްފިއެވެ.
"އިންޑިއާ ޑޮޓް ކޮމް" ގައި ލިޔެފައިވާ އެނޫހުގެ ސުރުޙީގައި ވެސް ލިޔެފައި ވަނީ "ރާއްޖެ ދޫކޮށްލުމަށާއި" މިދިޔަ ހަ މަސް ތެރޭ ފުރަތަމަ ފަހަރަށް ތައިލެންޑުގެ ފަތުރުވެރިކަން ކުރިއަރައިފި ކަމަށެވެ.
ކޮވިޑް-19އާ ގުޅިގެން ކޮންމެ ޤައުމަކަށް ވެސް އެންމެ ބޮޑު ދަތިކަމެއް ލިބިފައި ވަނީ ފަތުރުވެރިކަމުގެ ދާއިރާ އަށެވެ.
ނަމަވެސް ފުރަބަންދަށް ދެވުނު ލުޔާއެކު ބައެއް ޤައުމުތަކުގެ ބޯޑަރުތައް ހުޅުވާލާ، އަނެއްކާވެސް ދަތުރުފަތުރު ކުރުމުގެ ދޮރުތައް ހުޅުވިގެން ދިޔައެވެ.
އެގޮތުން ރާއްޖެ އަށާއި އިންޑިއާގެ ގޯއާއަށް ޗުއްޓީ ހޭދަ ކުރުމަށްދާ ފަތުރުވެރިން ދިޔައީ އިތުރު ވަމުންނެވެ.
އިންޑިއާގެ އެނޫހުން ޝާއިޢު ކޮށްފައިވާ ރިޕޯޓުގައި ބުނެފައިވަނީ މިދިޔަ ހަ މަސް ތެރޭގައި ފުރަތަމަ ފަހަރަށް ތައިލެންޑު ގެ ފަތުުރުވެރިކަން އެތައް ގުނައެއް ކުރިއަރާފައިވާ ކަމަށެވެ. އެގޮތުން ދެކުނުއުތުރު އޭޝިއާއިން 1000 އެއްހާ ފަތުރުވެރިން ތައިލެންޑަށް މިހާރުވެސް ޒިޔާރަތް ކޮށްފައިވާކަން އެރިޕޯޓުގައި ފާހަގަ ކޮށްފައިވެއެވެ.
ކޮވިޑްގެ ހާލަތަށް އައިސްފައިވާ ލުޔާ ގުޅިގެން ގިނަ އަދަދެއްގެ ފަތުރުވެރިން އަންނަނީ ރާއްޖެއަށް ޒިޔާރަތް ކުރަމުންނެވެ. އޭގެ ތެރޭގައި އެތައް އިންޑިއާ ރައްޔިތުންނެއް ވެސް ހިމެނެއެވެ. ޚާއްސަކޮށް އިންޑިއާގެ ގިނަ ފިލްމްސްޓާރުންނެއް ވެސް ވަނީ ރާއްޖެއަށް ޒިޔާރަތްކޮށް ޗުއްޓީ ހޭދަ ކޮށްފައެވެ.
ހަމަ ޖޭ ވަނީ. އެހެން އެއްވެސް ކަމެއްނެތް