ސަލާން ޖަހާ މީހެއް ކަމަށް ފުލުހުން ހައްޔަރު ކުރީ ޓިކްޓޮކް ކުޅޭ މީހެއް
ޕާކިސްތާނުގެ އަވަށެއްގައި ފަގީރު ކަމަށް ހެދިގެން ސަލާން ޖަހަމުން އައި މީހަކު ހައްޔަރުކޮށްފިއެވެ.
ރިޕޯޓުތައް ބުނާ ގޮތުގައި ފުލުހުން ހައްޔަރު ކޮށްފައި ވަނީ އެ ހިސާބުގައި ޓިކްޓޮކް ކުޅުމަށް މަޝްހޫރު ތަރިއެކެވެ.
މި މީހާ ހައްޔަރު ކޮށްފައި ވަނީ މަގެއްގެ މަތީގައި ސަލާން ޖަހަން އުޅެނިކޮށް، އެމީހާގެ ކިބައިން ޝައްކުވާ ބައެއް ކަންކަން ފެނުމުން ކަމުގައި ވެސް ޕާކިސްތާނުގެ ބައެއް މީޑިއާ ރިޕޯޓުތަކުން ވަނީ ބުނެފައެވެ.
ޕާކިސްތާނު ފުލުހުން ވިދާޅުވި ގޮތުގައި، މީހުންނަށް އޮޅުވާލުމުގެ ތުހުމަތުގައި އެމީހާ ހައްޔަރު ކުރިއިރު، އޭނާގެ ޖީބުން ގިނަ އަދަދެއްގެ ޔޫރޯ އާއި ޑޮލަރު ވަނީ ފެނިފައެވެ. އަދި ސަލާން ޖަހައި، މީހުންނަށް އޮޅުވާލައިގެން މީހުންގެ އަތުން ގިނަ އަދަދެއްގެ ފައިސާ ހޯދާފައިވާ ކަމަށް އޭނާ އެއްބަސްވެފައިވާ ކަމަށް ވެސް ފުލުހުން ވަނީ ހާމަކޮށްފައެވެ.
ފާއިތުވި ހަފްތާގެ ތެރޭގައި ފުލުހުން ވަނީ ޕާކިސްތާނުގައި ފުލުހަކަށް ވެގެން އުޅުނު ޓިކްޓޮކް ކުޅޭ މީހެއް ވެސް ހައްޔަރު ކޮށްފައެވެ.
