މާލޭ މަގުމައްޗަށް ވެއްޓިފައި އޮތް މީހަކަށް ފަރުވާ ދެނިކޮށް ނިޔާވެއްޖެ

މާލޭގެ މަގެއް މައްޗަށް ވެއްޓިފައި އޮތް މީހަކަށް ފަރުވާ ދެނިކޮށް އެމީހާ ނިޔާވެއްޖެއެވެ.

Ads by Hajj Corporation

ފުލުހުންގެ މީޑިއާ އޮފިޝަލަކު ވިދާޅުވީ މަގުމައްޗަށް ވެއްޓިފައި އޮއްވާ ފެނުނީ އުމުރުން 44 އަހަރުގެ ދިވެހި ފިރިހެނެއް ކަމަށެވެ. އެ މީހާ ވެއްޓިފައި އޮތީ މާލޭގެ ދެވިނަ މަގު މައްޗަށެވެ.

އެ ރިޕޯޓް ލިބުމުން އެ ސަރަހައްދަށް ފުލުހުން ގޮސް އެ މީހާ ހޮސްޕިޓަލަށް ގެންގޮސްފައިވާ ކަމަށް ވެސް ފުލުހުން ވިދާޅުވެފައިވެއެވެ. ނަމަވެސް ފަރުވާ ދެނިކޮށް އެމީހާ ނިޔާވެފައިވާ ކަމަށް ހޮސްޕިޓަލުން ބުނެފައިވާ ކަމަށް ފުލުހުން ވިދާޅުވިއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!

إِنَّا لِلّهِ وَإِنَّـا إِلَيْهِ راجِعون