ރިލްވާނާއި ޔާމީނަށް އިންސާފު ހޯދައިދިނުން ހުއްޓައެއްނުލަން - ރައީސް
ގެއްލިފައިވާ ނޫސްވެރިޔާ ރިލްވާނާ އަނިޔާވެރިކޮށް މަރާލި ޔާމީން ރަޝީދަށް އިންސާފު ހޯދައިދިނުމަށް ކުރަމުން އަންނަ މަސައްކަތް ހުއްޓާނުލާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރިލްވާނާއި ޔާމީންގެ ވާހަކަ އަނެއްކާވެސް ރައީސް ތަކުރާރު ކުރައްވާފައި މިވަނީ ނޫސްވެރިކަމުގެ އެވޯޑު ދިނުމުގެ ހަފުލާއަށް ފޮނުވި ވީޑިއޯ މެސެޖުގައެވެ.
އެގޮތުން ރައީސް ވިދާޅުވީ މިއީ ގޮންޖެހުން ގިނަ އުނދަގޫ މަސައްކަތެއް ކަމަށެވެ. ނަމަވެސް އެ މަސައްކަތް ނުހުއްޓި ކުރިއަށް ދާ ކަމުގައި ރައީސް ވަނީ ވިދާޅުވެފައެވެ.
"ނޫސްވެރިކަމުގެ މިފަދަ ޙަފްލާއެއް ކުރިއަށްދާއިރު، އަޅުގަނޑުގެ ސިކުނޑިއަށް އަންނަނީ، ގެއްލުވައިލާފައިވާ ނޫސްވެރިޔާ އަޙްމަދު ރިލްވާނާއި، އަނިޔާވެރިގޮތަކަށް މަރައިލި ޔާމީން ރަޝީދުގެ ހަނދާންތައް. އެ ދެ ނޫސްވެރިންނަށް އިންސާފު ހޯދައިދިނުމަށް ސަރުކާރުން ކުރަމުން އަންނަ މަސައްކަތް، އަޅުގަނޑުމެން ހުއްޓައެއްނުލަން. އެއީ، އުނދަގޫ މަސައްކަތެއް. ނަމަވެސް، އެ މަސައްކަތް ނުހުއްޓި ކުރިއަށް އެބަދޭ." ރައީސް ވިދާޅުވިއެވެ.
ރިލްވާނާއި ޔާމީނަށް އިންސާފު ހޯދައިދިނުމަކީ މި ސަރުކާރުގެ ވައުދުތަކުގެ ތެރެއިން ވައުދެކެވެ.
ނަމަވެސް މި ސަރުކާރަށް ދެ އަހަރު ވެގެންގޮސްފައިވާއިރު، މި ދެ މައްސަލައިގެ ވެސް އެދެވޭ ނަތީޖާ އެއް ނެރެވިފައި ނުވާކަން ފާހަގަ ކޮށްލެވެއެވެ.
އެދެމީހުން ގެ ވާހަކަ ބުނީމަ ވަރައް ދެރަ. ޑޮކްޓަރ އަފްރާޝީމް ޢަލީގެ މައްސަލަ ނިމުނީތޯ؟