ދޮންކެޔޮ ތޮށިން ކުރެވޭ އެތައް ބޭނުންތަކެއް!
ގިނަ ބަޔަކަށް އެނގިފައި އޮންނަ ގޮތުގައި ދޮންކޭލަކީ ކެއުމަށް ފަހު ދެން ބޭނުން ހިފޭ އެއްޗެއް ނޫނެވެ. އެހެން ނަމަވެސް ދޮންކޭލުގެ ތޮށްޓަކީ ވެސް ވަރަށް ބޭނުންތެރި ފައިދާތައް ކުރާ އެއްޗެކެވެ. އެގޮތުން ގިނައީ މީހުންނަށް ނޭނގޭ ބޭނުންތަކެވެ.
- ދޮންކެޔޮ ތޮށިން މޫނުގެ ހަންގަނޑު ރީތިކޮށްދޭ
މޫނުގައި ބިހި ނަގާތީ އެކަމުން ސަލާމަތް ވުމަށްޓަކައި އެކި ކަހަލަ ބޭސްތައް ކައި، އެކި ކަހަލަ ފުޅިތައް މޫނުގައި އުނގުޅާ މަންޒަރު ފެނެއެވެ. އެހެންނަމަވެސް މިއޮތީ އެކަމަށް ވެސް އޮތް ގުދުރަތީ ހައްލެކެވެ. ދޮންކެޔޮ ތޮށީގެ މޫނުގައި އުނގުޅުމުގެ ސަބަބުން މޫނުގެ ހަންގަނޑު އޮމާންވެ ރީތިވެގެން ދެއެވެ، އަދި ބިހިނެގުން ހުއްޓުވައިދީ ހަނގަނޑު އުޖާލާކޮށްދިނުމުގެ އިތުރުން، މޫނު ތެޔޮ ވުމުން ވެސް ސަލާމަތް ކޮށްދެއެވެ. އެހެންކަމުން ދޮންކެޔޮ ތޮށްޓަކީ "ފޭސް ތެރަޕީ" ގޮތުގައި ބޭނުން ކޮށްލުމަށް ވެސް "ސަޅި" އެއްޗެކެވެ.
- މުލިހިން ސަލާމަތް ކޮށްދޭ
މުލިހި ނަގައިގެން އެ މުލިހިން ސަލާމަތް ވުމަށް ގިނަ ބަޔަކު ޑޮކްޓަރަށް ދައްކައިގެން އަދި ކުދި ފެޅުންތައް ފަޅައިގެން އެ މުލިހި ނެގުމަށް ވަރަށް މަސައްކަތް ކުރެއެވެ. އެހެން ނަމަވެސް މިއޮތީ އެކަމަށް ވެސް އޮތް ލުޔެކެވެ. ދޮންކެޔޮ ތޮށީގައި ވާ ބައި ސަމުސަލުން ކަހާލުމަށް ފަހު މުލިހީގައި ހާކާލާށެވެ. އަދި މާގިނަ ދުވަސްތަކެއް ނުވެ އެ މުލިހި ގެއްލޭނެއެވެ. އެހާމެ ފަސޭހަ އަދި އެއްވެސް ތަދެއް ނެތް ކަމެކެވެ.
- ދަތްޕިލަ ހުދުކޮށްދިނުން
ދޮންކެޔޮ ތޮށްޓަކީ ދަތްޕިލާ ހުދު ކުރުމަށް ވެސް ވަރަށް ބޮޑު އެހީއެއް ވެދޭ އެއްޗެކެވެ. އެގޮތުން ދޮންކެޔޮ ކެއުމަށްފަހު އެ ތޮށި ދަތްތަކުގައި ގާނާލާށެވެ. އަދި ސާފުވަންދެން ގާނާލާށެވެ. ދަތްޕިލައަށް އެއްވެސް ގެއްލުމެއް ނުލިބޭނެއެވެ. އަދި އެހާމެ ފަސޭހަކަމާއެކު އެހާމެ އަވަހަށް ދަތްޕިލާ ވެސް ހުދުވެގެން ދާނެއެވެ.
- ކެހުން މައިތިރި ކޮށްދޭ
މަދިރި ހަފައިގެން ކެހުން މައިތިރި ނުވެގެން އެބަ އުޅެންތޯއެވެ؟ ދޮންކެޔޮ ތޮށްޓަކީ ތިކަމަށް އޮތް ހައްލެކެވެ. ކަހާ ތަނުގައި ދޮންކެޔޮ ތޮށި މަޑުމަޑުން ހާކާލާށެވެ. އަދި އިސާ ހިތަކު އެ ކެހުން މައިތިރި ވެގެން ދާނެއެވެ. ގަބޫލު ނުކުރެވެންޏާ އަމިއްލައަށް ތަސައްވަރު ކޮށްލާށެވެ
މިއީ ދޮންކެޔޮ ތޮށިން ކުރެވޭ ބައެއް ބޭނުންތަކެވެ. އަދިވެސް މި ނޫނަސް ދޮންކެޔޮ ތޮށިން ކުރެވޭ ފައިދާހުރި އެތައް ބޭނުންތަކެއް އެބަހުއްޓެވެ.
