މުސްލިމުންނަށް ޗައިނާއިން ކުރާ އަނިޔާ: ކޮންމެ ހުކުރު ދުވަހަކު ގަދަކަމުން އޫރުމަސް ކާންދޭ!
ޗައިނާގެ އުއީގަރ މުސްލިމުންނަށް އެޤައުމުގެ ކަމާބެހޭ ފަރާތްތައް ދެމުން ގެންދާ އަނިޔާތައް މަދެއް ނޫނެވެ. ދާދި ފަހުން ހާމަވެފައި ވަނީ އުއީގަރ މުސްލިމުންނަށް ކޮންމެ ހުކުރު ދުވަހަކު ގަދަ ކަމުން އޫރުމަސް ކާންދޭ ކަމެވެ.
އެވާހަކަތައް ހާމަކޮށް ކިޔައި ދިނީ ޗައިނާގެ ކޮންސެންޓްރޭޝަން ކޭމްޕެއްގައި ކުރިން ހައްޔަރު ކޮށްފައި ހުރި ގައިދީއެއް ކަމަށްވާ ސޭރަގުލް ސައުތްބޭ ކިޔާ އަންހެނެކެވެ. އެކޭމްޕުން އޭނާ ދޫކޮށްލިތާ މިހާރު ދެ އަހަރު ވެފައިވީ ނަމަވެސް، އެތަނުގައި ހިނގައިދިޔަ އެބިރުވެރިކަން އަދިވެސް އޭނާގެ ހިތުން ފިލައިގެނެއް ނުދެއެވެ.
މިހާރު ސްވިޑަން ގައި ދިރިއުޅޭ ސޭރަގުލް ވަނީ އޭނައަށް ދިމާވި އެކޭމްޕުގައި ދިމާވި ކަންތައްތައް ލިޔެ ، ފޮތެއް ނެރެފައެވެ. އޭގައި އޭނާ ބުނެފައިވާ ގޮތުގައި އެތަކެއް އަނިޔާތަކަކާއި، ޖިންސީ ގޯނާ އާއި، ގަދަކަމުން އޫރުމަސް ކާން ދިނުން ވެސް ހިމެނެއެވެ.
"އަލްޖަޒީރާ" އަށް އޭނާ ވަރަށް ފަހުން ދީފައިވާ ބަސްދީގަތުމެއްގައި އޭނާ ވަނީ އިތުރަށް އެވާހަކަތައް ކިޔައިދީފައެވެ. އޫރު މަހަކީ މުސްލިމުންނަށް ހަރާމް އެއްޗެއްކަން މުޅި ދުނިޔޭގެ އެންމެންނަށް ވެސް އެނގޭއިރު، ޗައިނާއިން ވަނީ ގަދަކަމުން އުއީގަރ މުސްލިމުންނަށް ކޮންމެ ހުކުރު ދުވަހަކު އޫރު މަސް ކާންދީފައެވެ.
"ކޮންމެ ހުކުރު ދުވަހަކު އަހަރުމެންނަށް ގަދަކަމުން އޫރުމަސް ކާންދިން. ހުކުރު ދުވަހަކީ މުސްލިމުންގެ އެންމެ މާތް ދުވަސްކަން ވެސް އެނގިހުރެ، މުސްލިމުންނަށް ހަރާމް ކޮށްފައިވާ އެއްޗެއް ކާންދޭން އެމީހުން އެދުވަސް އިޚްތިޔާރު ކުރި ވެސް ހަމަ ގަސްތުގައި. އަހަރުމެން އޫރުމަސް ކާން ދެކޮޅު ހަދައިފިނަމަ ނުވަތަ ނުކައިފިނަމަ، ވަރަށް ވެސް ވޭން ދެނެވި އަދަބު ދޭ" ސެރަގުލް ކިޔައިދީފައިވެއެވެ.
ސެރަގުލް ބުނީ އެތަނުގައި ތިބި ޗައިނާގެ ކަމާބެހޭ ފަރާތްތަކުން އުއީގަރ މުސްލިމުންނާމެދު އެފަދައިން ކަންތައް ކުރީ މުސްލިމުން މުޅި އުމުރު ދުވަހަށް ލަދު ގަންނަވާލާ، އަމިއްލަ ނަޒަރުން ވެސް ކުށްވެރި ކުރުވުމުގެ މަޤްސަދުގައި ކަމަށެވެ. އެގޮތުން ގަދަކަމުން އޫރުމަސް ކާންދިން ކޮންމެ ފަހަރަކު، އޭނާގެ ހިތަށް ވަރަށް ފުން އަސަރެއް ކުރިކަމާއި މުޅި ރޫހަށް ވެސް ގެއްލުންވާފަދަ ބޮޑު ހިތާމަވެރި އިހުސާސެއް ކުރެވުމުން ދިޔަ ކަމަށާއި އެއިހުސާސްތައް ބަސްތަކުން މާބޮޑަށް ބަޔާން ކޮށްދޭން ވެސް ނޭނގޭ ކަމަށް އޭނާ ބުންޏެވެ.
"އަހަންނަށް ހީވީ އަހަންނަކީ އެހެންމީހެކޭ. އަހަރެންގެ ވަށައިގެންވާ ހުރިހާ ތަނެއް ކަނު އަނދިރި ގަނޑަކަށް ބަދަލުވިފަދަ." ސެރަގުލް ބުންޏެވެ.
"ހަރުކަށި ފިކުރު" ނައްތާލުމަށް ކަމަށް ބުނެ ޗައިނާއިން ހަދައިގެން އުޅޭ މިކޭމްޕުތަކުގެ ބޭނުމަކީ މުސްލިމުންނަށް ގޯނާ ކުރުމާއި މުސްލިމުންގެ އަޤީދާ މުގުރާލުންކަން މިފަދައިން ފެންމަތިވާ ކޮންމެ ކަންތައްތަކަކުން ވެސް ހާމަވެއެވެ.
ސީރިޔާ ގެ މުސްލިމު އަހުންނާއި އުހުތުންގެ ވާހަކަ އެއް ކަލޭމެންނަކަށް ނޭނގެ ދޯ ލިޔާކަށް.. މުސްލިމު އަހުންނާއި އުހުތުން ރޮލާ ކާއިރުވެސް.. ޗައިނާ މީހުން އަހަރުމެންގެ މުސްލިމު އަހުންނާއި އުހުތުން މަރާއިރުވެސް މިތާގަ އެތިބޭ ﷲ ގެ ހުކުމް ބަދަލު ކޮއްގެން އުޅޭ ތާގޫގުން ގަށް އެމީހުންނާ ސަލާމްކޮއް އެހެން ކަމެއް ކޮއް މި ހަދަނީ. ޓްރަމްޕް މެން ކަހަލަ ތާގޫގުންނާ…. މުސްލިމުން ރޮލާ ްއެމެރިކާ ަ މީހުން ކާއިރު އެކަމެއް ނުދަނޭ މިތާ ތިބޭ ތާގޫގުން ތަކެއް.. އެއިން ވާހަކަ އެއް ނަން ވެސް ނުގަންނާނެ. އެހެންނު ވާނީ މިތާ ތިބޭ ތާގޫތުން ނަޒަރުގަ ސީރިޔާ އަށްﷲ ގެމަގުގަ ޖިހާދު އަށް ދިޔަ އަސް އެއީ ހައްދުފަހަނަ އެޅުން.. އެއީ އައިއެސް މީހުން..