މަސައްކަތު ގާނޫނާ ޚިލާފަށް ހައެއްކަ މީހުން ގެންގުޅެން: ނަޝީދު
މަަސައްކަތުގެ ގާނޫނާ ހިލާފަށް 24 ގަޑިއިރު ކެނޑިނޭޅި މަސައްކަތް ކޮށްދޭ ހައެއްކަ މީހުން އެމަނިކުފާނު އަރިހުގައި ގެންގުޅުއްވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު މިހެން ވިދާޅުވެފައި ވަނީ މިދިޔަ އާދީއްތަ ދުވަހުގެ ރޭ ގެނެސްދިން "އާސްކް ސްޕީކާ" ޕްރޮގްރާމްގައި ވާހަކަފުޅު ދައްކަވަމުންނެވެ.
ނަޝީދު ވިދާޅުވީ 24 ގަޑިއިރު ކެނޑިނޭޅި މަސައްކަތް ކޮށްދޭ ހައެއްކަ މީހުން އެމަނިކުފާނު އަރިހުގައި އުޅޭ ކަމަށެވެ. އަދި އެއީ މަސައްކަތުގެ ގާނޫނާއި ކޮންޓްރެކްޓާ ވެސް ހިލާފު ކަމެއް ކަމަށް ވިޔަސް އެމަނިކުފާނުގެ އިރުޝާދަކީ އެހެން މީހަކު އެފަދަ ކަމެއް ނުކުރެއްވުން ކަމަށް ވެސް ވިދާޅުވިއެވެ.
"އަޅުގަނޑު ކައިރި ރެއާ ދުވާލު ސައުވީސް ގަޑިއިރު ކެނޑިނޭޅި މަސައްކަތް ކޮށްދޭ ހައެއްކަ މީހުން އެބަ އުޅޭ. ދެން އެއީ އަނެއްހެން މަސައްކަތުގެ ގާނޫނާއި ކޮންޓްރެކްޓާއި އެކަހަލަ އެއްޗެއްސަށް ބަލާއިރުގައި ގޯސް ކަމެއް. އަޅުގަނޑު ވެސް އެހެން މީހަކަށް އިރުޝާދެއް ނުދެން އެ ބާވަތުގެ ކަމެއް ކުރާކަށް،" ރައީސް ނަޝީދު ވިދާޅުވި އެވެ.
މިކަމާއި ގުޅިގެން ނަޝީދުއަށް އާންމުންގެ ނުރުހުން ފާޅުކުރަމުން ދެއެވެ. އިސް މަޤާމެއްގައި ހުރެ މިފަދަ ކަންތައްތައް ކުރުމަުން އެކަން ކުށްވެރި ކުރާ ކަމަށް މީހުން ދަނީ ބުނަމުންނެވެ.
ކިހާ މޮޅު ގާނޫންހަދާ ރައީސްގެ ވާހަކަ
ޤާނޫނާ ޚިލާފުވާމީހަކު ޤާނޫނު ހަދާ މަޖިލީހުގެ ވެރިއަކަށް އިނީމަ ދެންހެދޭނީ ކޮންފަދަ ސައްޚަ ޤާނޫނެއްބާ؟
މިސޮރުގެ ރަނގަޅުކަމަކީއެއީ. ސީދަލަށްބުނާނެ… ކެ.ކެ.ކެ
އަބަދުވެސް މީހުންދިމާ ކުރާ ގޮތަށް ވާހަކަފުޅުދައްކަވާގޮތް އެނގޭތަ މީހުންލައްވާ ފާޑު ކިއުއްވަން ނަށީދު ފެން ފޮދެް ހިއްޕަވާތަން މީހަކަށް ފެނުނަސް ފާޑުކިޔާނެ .