ކުރިއަށް އޮތް ދެ ހަފްތާގެ ތެރޭގައި ލިބޭ އާމްދަނީގެ 50 އިންސައްތަ ޗައިނާއަށް ދޭންޖެހޭ: ނަޝީދު
ކުރިއަށް އޮތް ދެ ހަފްތާގެ ތެރޭގައި ރާއްޖެއަށް ލިބޭ އާމްދަނީގެ ދެބައި ކުޅަ އެއްބައި ޗައިނާއަށް ދޭން ޖެހޭ ކަމަށް ރައްޔިތުންގެ މަޖިލީހުގެ ރައީސް ، ރައީސް މުހައްމަދު ނަޝީދު ވިދާޅުވެއްޖެއެވެ.
މިއަދު މެންދުރު ނަޝީދު ކުރެއްވި ޓްވީޓެއްގައި ވިދާޅުވީ ކުރިއަށް އޮތް 14 ދުވަހުގެ ތެރޭގައި ރާއްޖޭގެ ދައުލަތުގެ ހަޒާނާއިން ޗައިނާގެ ބޭންކު ތަކަށް 15 މިލިއަނަށް ވުރެ ގިނަ ޑޮލަރު ދައްކަން ޖެހޭ ކަމަށެވެ.
އަދި މިހާތަނަށް މިއިން ބޭންކަކުން އެ ލޯނުތައް ދެއްކުން ފަސްކޮށްދީފައި ނުވާއިރު ލޯނުތައް ދެއްކުމުގައި ލުއި ގޮތްތަކެއް ވެސް ހޯދަައިދީފައި ނުވާކަމަށް ވެސް ނަޝީދު ވިދާޅުވިއެވެ.
ނަޝީދު އިތުރަށް ވިދާޅުވީ ކުރިއަށް އޮތް ދެ ހަފްތާގެ ތެރޭގައި ދައުލަތުން ޗައިނާ ބޭންކުތަކަށް ދައްކަން ޖެހޭ މިންވަރަކީ، އެ ދެ ހަފްތާގައި ދައުލަތަށް ލިބޭ އާމްދަނީގެ 50 އިންސައްތަ ކަމަށެވެ.
ކުރީގެ ރައީސް ޔާމީންގެ ވެރިކަމުގައި ދައުލަތުން ޗައިނާއިން ނަގާފައިވާ ލޯނުތަކަށް ނަޝީދު އަންނަނީ އަބަދުވެސް ވަރަށް ބޮޑަށް ފާޑު ވިދާޅުވެ، އެއީ ދަރަނި ދަންތުރަތަކެއްގެ ގޮތުގައި ސިފަ ކުރައްވަމުންނެވެ.
ކިޔާނެ އެއްޗެއް ކިޔާ… އެންމެ ފަހުން މިހާރު ޗައިނާގެ ފައިބުޑައް އެ ވެއްޓެނީ. ޗައިނާގެ ޓޫރިސްޓުން ގެންނަން އެ ސަރުކާރުން ވާހަކަ ދައްކަނީ. ދެން މަނިކުފާނު ކޮން އަނގައެއްތަޅާކަށްތަ. މައިތިރިވެގެން ހުރެބަލަ. ބޮޑުވަޒީރު ކަން ލިބުނީމަ ދެން ތިޖަހާ ސަކަރާތެއްޖަހާބަލަ.