އާވައްތަރުގެ ކޮވިޑް-19 އާ ބެހޭ ގޮތުން ކޮންމެހެން އެނގެން ޖެހޭ މަޢުލޫމާތު!
މުޅި ދުނިޔެ އިއްޔެ ސިއްސުވާލީ ކޮވިޑް-19 ގެ ދެވަނަ މިއުޓޭޝަނެއްގެ ސްޓްރެއިނެއް ފެނިގެން އުޅޭ ޚަބަރާއެކުއެވެ. މިއާއެކު މިއާ ވައިރަސް ސްޓްރެއިންއާ ބެހޭ ގޮތުން މަޢުލޫމާތު ހޯދަން ގިނަ ބަޔަކު ބޭނުންވިއެވެ.
ދެވަނަ ސްޓްރެއިން އައިސްފައިވަނީ ކޮންތާކުން އަދި މިހާތަނަށް މިޒާތުގެ ކިތައް ކޭސް ފެނިފައިވޭ؟
ކޮވިޑް-19 ގެ މި ސްޓްރެއިންގެ ދެ ކޭސްއެއް އިނގިރޭސި ވިދާތުން ރިޕޯޓްކޮށްފައިފައެވެ. މި ދެމީހުންނަކީވެސް ސައުތް އެފްރިކާއަށް މިދިޔަ ހަފްތާގައި ދަތުރުކޮށްފައުވާ ދެމީހުންނެވެ. ސައުތް އެފްރިކާއިން ބުނެފައިވާ އާ ވައްތަރުގެ ސްޓްރެއިންއަށް އެޤައުމުން 200 އަށްވުރެ ގިނަ މީހުން ފައްސިވެފައިވާ ކަމަށެވެ.
ގައިގަޔަށް އެރުން ހަލުވިތަ؟
އަލަށް ފެނުނު ވައިރަސް ސްޓްރެއިން ގައިން ގަޔަށް ވަރަށް ފަސޭހައިން އަރާ ކަމަށްވެއެވެ. މިގޮތުން، އިނގިރޭސި ވިލާތުގެ ސައިންވެރިން ބުނެފައިވަނީ، ދެވަނަ ސްޓްރެއިން ވަރަށް ބޮޑަށް މިއުޓޭޓް ވެފައިވާ ކަމަށެވެ. އަދި ގައިން ގަޔަށް އެރުމުގެ ފުުރުސަތު ވަރަށް ބޮޑު ކަމަށެވެ. އަދި އެފްރިކަން ސްޓްރެއިންއާ ބެހޭ ގޮތުން އިތުރު މަޢުލޫމާތު ހޯދަމުން އަންނަ ކަމަށާއި ނަމަވެސް މި ބާވަތުގެ ވައިރަސް ގައިން ގަޔަށް އެރުމުގެ ފުރުސަތު ބޮޑު ކަމަށްވެސް އިނގިރޭސިވިލާތުގެ ސައިންސްވެރިން ބުނެއެވެ.
ވެކްސިން މަސައްކަތް ކުރާނެތަ؟
ކޮވިޑް-19 އަށް މިހާރު އުފައްދާފައިވާ ވެކްސިންތަކުން ބައެއް ވެކްސިންތައް މިހާރުވަނީ މި މިއުޓޭޓެޓް ވައިރަސްއަށް ޓެސްޓްކޮށްފައެވެ. މިހާތަނަށް ކުރި ތަޙްޤީޤުން ވައިރަސްގެ އާ ވޭރިއެންޓްތަކަށްވެސް ވެކްސިން މަސައްކަތް ކުރާނެ ކަމަށްވަނީ ދައްކާފައެވެ.
