ބޯޑަރު ހުޅުވާ ނުލިނަމަ ގިނަ ފަތުުރުވެރިން ރާއްޖެ އަންނަ މަންޒަރު ނުފެނުނީސް - ތައްޔިބު
ބޯޑަރު ހުޅުވައި ނުލިނަމަ ރާއްޖެއަށް ފަތުރުވެރިން އަންނަ މަންޒަރު ނުފެނުނީސް ކަމަށް އެމްއެމްޕީއާރުސީގެ މެނޭޖިން ޑިރެކްޓަރު ތައްޔިބު މުހައްމަދު ވިދާޅުވެއްޖެއެވެ.
ތައްޔިބު މިހެން ވިދާޅުވެފައި ވަނީ މިއަދު އެމްއެމްޕީއާރުސީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ. އޭނާ ވިދާޅުވީ ބޯޑަރު ހުޅުވައިނުލި ނަމަ މިހާރު ދުވާލެއްގެ މަތިން ރާއްޖެ އަންނަ ފަތުރުވެރިންގެ އަދަދުތައް ނުފެންނާނެކަމަށެވެ.
ބޯޑަރު ހުޅުވާލިފަހުން މިހާތަނަށް 159،403 ފަތުރުވެރިން ރާއްޖެ އައިސްފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައެވެ. ރާއްޖޭގެ ބޯޑަރު އަލުން ހުޅުވާލިފަހުން ޑިސެމްބަރ މަހުގެ ފުރަތަމަ 23 ދުވަހު ރާއްޖެއަށް 66،000އަށް ވުރެ ގިނަ ފަތުރުވެރިން އައިސްފައިވެއެވެ.
ތައްޔިބު އިތުރަށް ވިދާޅުވީ ރައީސް ސޯލިހް ރާއްޖޭގެ ބޯޑަރު ހުޅުއްވައިލައްވަން ނިންމެވުމަކީ މި ކާމިޔާބީގެ އަސްލާއި ފެށުން ކަމަށާއި، ބޯޑަރު ހުޅުވާނުލި ނަމަ އެހާ ގިނަ ފަތުރުވެރިން ރާއްޖެއަށް ނާންނާނެކަން ތައްޔިބު ފާހަގަކުރެއްވިއެވެ.
ފަތުރުވެރިކަމާއި ބެހޭ ވަޒީރު އަބްދުﷲ މައުސޫމް މީގެ ކުރިން ވިދާޅުވީ ސަރުކާރުގެ މިހާރުގެ އަމާޒަކީ ފަސްލައްކަ ސާޅީސް ފަސްހާސް ފަތުރުވެރިން އަހަރު ނިމުމުގެ ކުރިން ރާއްޖެ ގެނައުން ކަމަށެވެ. އަދި އެކަމުގެ އުންމީދު ވަރަށް ބޮޑު ކަމަށް އެމަނިކުފާނު ވިދާޅުވިއެވެ.
ތިވަރު އެނގޭނެ މޮޔައަކަށްވެސް..