ހުރިހާ ރައްޔިތުންވެސް ވެކްސިން ޖެހުމަށް ރައީސް ނަޝީދު އިލްތިމާސް ކުރައްވައިފި
ކޮވިޑް-19 އަށް ވެކްސިން ލިބުމުން، އެންމެ އަވަހަކަށް ހުރިހާ ރައްޔިތުން ވެސް ވެކްސިން ޖެހުމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އިލްތިމާސް ކުރައްވައިފިއެވެ.
ރައީސް ނަޝީދު މިހެން ވިދާޅުވެފައި ވަނީ އައު އަހަރުގެ ތަހުނިޔާ ވިދާޅުވެ ފޮނުވި މެސެޖުގައެވެ.
ނަޝީދު ވިދާޅުވީ، މި އަހަރަކީ ގިނަ މީހުން ހަނދާންކުރަން ބޭނުންވާނެ އަހަރެއް ނޫން ކަމަށާއި މި އަހަރަކީ ކޮވިޑް-19 ގެ ބަލިމަޑުކަމުގެ ސަބަބުން ދިރިއުޅުމުގެ ކަންކަން ހުއްޓުމަކަށް އައި އަހަރެއް ކަމަށެވެ.
"ކޮވިޑް-19 ގެ ވެކްސިން ހަލުވިކަމާއެކު ލިބި، މި ނުރައްކާތެރި ވައިރަހުން އެއްކޮށް ސަލާމަތްވާނެކަމުގެ އުންމީދުތަކާ އެކުގައެވެ. ވެކްސިން
ލިބުނުހާ އެންމެ އަވަހަކަށް ހުރިހާ ރައްޔިތުން ވެސް ވެކްސިން ޖެހުމަށް އަޅުގަނޑު އިލްތިމާސް ކުރަމެވެ". ރައީސް ނަޝީދުގެ ވިދާޅުވިއެވެ.
މީގެ އިތުރުން މި ނިމޭ އަހަރަކީ ކޮވިޑް-19 ގެ ބަލިމަޑުކަމުގެ ސަބަބުން ގިނަ ބައެއްގެ ވަޒީފާއާއި އާމްދަނީ ގެއްލި، ސްކޫލްތައް ބަންދުކޮށް، އަދި ގާތްތިމާގެ މީހުން މި ދުނިޔެ ދޫކޮށް ދިޔަ އަހަރެއް ކަމަށް ރައީސް ނަޝީދު ފާހަގަ ކުރެއްވި އެވެ. މި ކަންތައްތައް މިހެން ވީ ނަމަވެސް، އައު އަހަރު ބައްދަލު މިކުރަނީ އުންމީދުތަކަކާއެކުގައި ކަމަށް ނަޝީދު ވިދާޅުވިއެވެ.
މިކަލޭގެ މިހެން ބުނީތީވެސް ދެން ވެކްސިނެއް ނުޖަހާނަން