އަދާލަތުޕާޓީގެ ރިޔާސީ އިންތިހާބު މިމަހު 23 ގައި
ހޯމް މިނިސްޓަރު އިމްރާން ޢަބްދުﷲ ލީޑަރަކަށް ހުންނަވާ އަދާލަތު ޕާޓީގެ ރިޔާސީ އިންތިހާބު މިހިނގާ ޖެނުއަރީ މަހުގެ 23 ވަނަ ދުވަހު ބޭއްވުމަށް ނިންމައިފިއެވެ.
އެޕާޓީން ބުނެފައިވާ ގޮތުގައި އެދުވަހު އޮންނަ ރިޔާސީ އިންތިހާބަކީ އަދާލަތު ޕާޓީގެ ދުސްތޫރުގެ 41.1 ވަނަ މާއްދާގެ (ށ) އަދި 41.3 ވަނަ މާއްދާގެ (ނ) ގެ އެއް ވަނަ ނަންބަރުގެ ދަށުން، ޕާޓީގެ ތިން ވަނަ ދައުރަށް ޕާޓީގެ ރައީސާއި ނައިބު ރައީސް ހޮވުމަށްޓަކައި ބާއްވާ އިންތިހާބެއް ކަމަށެވެ.
އަދާލަތު ޕާޓީން މިކަމާ ގުޅޭގޮތުން ކޮށްފައިވާ އިއުލާނެއްގައި ބުނެފައިވަނީ އެ ޕާޓީގެ ރިޔާސީ އިންތިހާބުގައި ވާދަކުރުމަށް ބޭނުންވާ ފަރާތްތަކުން އިންތިހާބަށް ކުރިމަތިލުމަށް އެދޭ ފޯމާއެކު ހުށައަޅަން ޖެހޭ ލިޔެކިޔުން މި މަހުގެ ނުވަ ވަނަ ދުވަހުގެ މެންދުރު ފަހު 2:00 ގެ ކުރިން އެ ޕާޓީގެ މައި އޮފީހަށް ހުށަހެޅުމަށެވެ.
ޢަދާލަތު ޕާޓީގެ ރިޔާސީ އިންތިހާބަށް ކުރިމަތިލުމަށް އެދޭ ފޯމްގެ ލިންކް: bit.ly/3rJzPzG
ޢަދާލަތު ޕާޓީގެ ރިޔާސީ އިންތިހާބަށް ކުރިމަތިލާ މީހުންގެ ކުށުގެ ރިކޯޑް ބެލުމަށް އެދޭ ފޯމްގެ ލިންކް: bit.ly/2WZfVmf
