ނިއުމާ މިއަހަރު ކައިވެނި ކުރަނީތަ؟
ދިވެހި ފިލްމީ ދާއިރާގެ "ރާނީ" ކަމުގެ ލަގަބު ދީފައިވާ ކުޅަދާނަ އެކްޓްރެސް ނިއުމާ މުޙައްމަދަކީ، މިދާއިރާގައި އަބަދުވެސް ފަވާލެވިފައިވާނެ ނަމެއްކަން އެތައް ބަޔަކު ޤަބޫލު ކުރާނެއެވެ.
އުމުރުން ވަރަށް ޅަ އުމުރުގައި "ހިތި ތަޖުރިބާ" އިން މިދާއިރާއަށް ތަޢާރަފްވި ނިއުމާ، އެންމެ ފުރަތަމަ ދުވަހުން ފެށިގެން މިއަދާ ޖެހެންދެން ވެސް މީހުންގެ ހިތްތަކުގައި ރަނިކަން ކުރެއެވެ.
ދާއިރާގެ "ސިސްޓާ" ގެ ލަގަބު އެތައް ޒުވާން ފަންނާނުންނެއް ނިއުމާއަށް ދީފައިވާ ކަމީ ވެސް، އޭނާއަށް މީހުން ކުރާ އިޙްތިރާމާއި، އޭނާ ދެކެ ވާލޯބީގެ އެއް ހެއްކެވެ.
ފިލްމީ ދާއިރާގައި 25 އަހަރު ހޭދަކުރުމަށްފަހު، އެކްޓުކުރުމުގެ ދާއިރާއަށް ނިއުމާ އަލްވަދާޢުކީ، އޭނާގެ ޕްރޮޑަކްޝަން ހައުސްއިން އުފެއްދި ފުރަތަމަ ފިލްމު "ނިވައިރޯޅި" ގައި ވަރަށް ވެސް ތަފާތު އަދި އެހާމެ ހުނަރުވެރި އެކްޓިންގެއް ދައްކައި ދިނުމަށް ފަހުއެވެ. އެކްޓު ކުރުމުން ދުރަށް ދިޔަ ނަމަވެސް، ފިލްމު އުފެއްދުމުގެ މަސައްކަތުގައި ނިއުމާ އަދިވެސް ދަނީ ކުރިއަށެވެ.
ނިއުމާގެ ދިރިއުޅުމާ ބެހޭ ގޮތުން އަދިވެސް މައުލޫމާތު އެނގެން ބޭނުންވާ މީހުން ވަރަށް ގިނައެވެ. އެގޮތުން ގިނަ ބަޔަކު މިހާރު އެންމެ އެނގެން ބޭނުންވާ އެއްކަމަކީ، ކުރިން ތިން ކައިވެންޏެއްކޮށް އެންމެ ފަހު ކައިވެންޏަށް ދަރިއަކު ވެސް ލިބިފައިވާއިރު، ނިއުމާ ދެން އިތުރު ކައިވެންޏެއް ކުރާނެތޯއެވެ.
އޮންލައިން ނޫހަކުން އެސުވާލު ނިއުމާއާ ކުރުމުން އޭނާ ވަނީ ނުސީދާ ގޮތަކަށް އެއަށް ޖަވާބުދީފައެވެ. އަދި "ދެން" އިން ވެސް އެސުވާލު ކުރުމުން ނިއުމާ ވަނީ އެނޫހަށް ދިން މައުލޫމާތު ކަށަވަރު ކޮށްފައި "މިވަގުތު ބުނެވެން އޮތީ މިވަރަށް" ކަމަށާއި "ޒާތީ ދިރިއުޅުން އެވަރަށް މީޑިއާތަކުގައި ހިއްސާ ނުކުރާ" ކަމަށް ވެސް ބުނެފައެވެ.
އެގޮތުން ނިއުމާ ބުނެފައި ވަނީ "މިއަހަރު ނިމުމުގެ ކުރިން މި ނޫން ދިރިއުޅުމަކަށް ދެވޭތޯ އިންޝާﷲ މަސައްކަތް ކުރާނަން" ކަމަށެވެ. އެއީ ކައިވެންޏެއް ކުރާ ވާހަކަ ކަމެއް ސީދާ ނުބުނި ކަމުގައި ވިޔަސް ނިއުމާ ބުނެފައިވަނީ ކޮންމެ ވެސް ދުވަހަކުން ކޮންމެވެސް މީހަކާއެކީ ދިރިއުޅުމެއް ފަށަން އޭނާ ވެސް ބޭނުންވާނެ ކަމަށެވެ.
"އެ، ދެން އެކަހަލަ ސުވާލެއް ކޮށްލީމަ އެހެން ބުނެލީ، އަހަންނަކީ އަހަރެންގެ ޕާސަނަލް ވާހަކަ އަނެއްހެން މީޑިއާގައި އެހާ ބޮޑަށް ދައްކަން ބޭނުންވާ މީހެއް ނޫން އަސްލުގައި" ނިއުމާ ބުންޏެވެ.
މިވަގުތު ނިއުމާ ކުރާ މަސައްކަތްތަކާ ބެހޭ ގޮތުން އޭނާ ބުނީ، އާފިލްމެއް އުފެއްދުމުގެ މަސައްކަތް ކުރަން ވަރަށް ބޭނުން ނަމަވެސް އެކަމާ އަދި ވަކި އެއްޗެއް ބުނަން އެނގޭނީ މިހާރު ނިންމާފައިވާ "ކަޅަކި" ފިލްމަށް އަލިމަގެއް ފެނުނީމަ ކަމަށެވެ.
ﷲއަންގަވާފައި ގޮތައް އުޅުން އިސްލާހު ކުރެއްވުން އެދެން
އާހިރަތަހްޓަކާ ހޭދަކުރާދުވަސް ގިނަކުރޭ މަރުގެވަގުތެއް ނޭގޭނެ