ކޮވިޑް ޖެހިގެން މަރުވި މީހުންގެ އަދަދު 2 މިލިއަނަށް
ކޮވިޑް-19 ޖެހިގެން މަރުވި މީހުންގެ އަދަދު 2 މިލިއަނަށް އަރައިފި ކަމަށް ރިޕޯޓްތަކުން ބުނެފިއެވެ.
ތަފާސް ހިސާބުތަކުން ދައްކާ ގޮތުގައި މުޅި ދުނިޔެއިން ކޮވިޑް ޖެހިގެން މީހުން ވަނީ 2،017،800 ވުރެ މައްޗަށް އަރާފައެވެ. ޖުމްލަ 219 ގައުމަކަށް ކޮވިޑް-19ގެ ބަލިމަޑުކަން ފެތުރިފައިވެއެވެ.
ކޮވިޑް ޖެހިގެން އެންމެ ގިނަ މީހުން މަރުވެފައި ވަނީ އެމެރިކާއިންނެވެ. އެގައުމުން، 401،856 މީހުން ވަނީ މަރުވެފައެވެ. އެގައުމަކީ މި ބައްޔަށް އެންމެ ގިނަ މީހުން ފައްސި ވެފައިވާ ގައުމު ވެސް މެއެވެ. އެގޮތުން މިހާތަނަށް އެ ގައުމުން 24،102،429 މީހުން ކޮވިޑަށް ފައްސި ވެފައިވެއެވެ.
ވޯލްޑޮމީޓަރސް ގެ ތަފާސް ހިސާބުތަކުން ދައްކާ ގޮތުގައި ދެވަނަޔަށް އެންމެ ގިނަ މީހުން ބަލީގައި މަރު ވެފައިވަނީ ބްރެޒިލުންނެވެ. އެ ގައުމުން 208،291 މީހަކު ބަލީގައި މަރުވެފައި ވެއެވެ. އަދި ބައްޔަށް ފައްސި ވެފައި ވަނީ 8،394،253 މީހުންނެވެ. އިންޑިއާއިން 152،000 މީހުން ވަނީ މި ބަލީގައި މަރުވެފައެވެ. މިއީ ތިންވަނަޔަށް އެންމެ ގިނަ މީހުން ބަލީގައި މަރުވެފައިވާ ގައުމެވެ.
ގިނަ ގައުމުތަކުން އަންނަނީ މިހާރު ކޮވިޑްގެ ވެކްސިން ދޭން ފަށާފައެވެ. އެއާއެކު ކޮވިޑްގެ ބަލީގައި މަރުވާ މީހުން ފަހަކަށް އައިސް މަދު ވެފައިވާ ކަމަށް ރިޕޯޓްތަކުން ދައްކައެވެ.
Ads by STO
