ސަރުކާރުން އުޅެނީ ތިމާވެށީގެ ނަމުގައި ރާއްޖެ ބަދުނާމުކުރަން: ޝިޔާމް
ސަރުކާރުން އުޅެނީ ތިމާވެށީގެ ނަމުގައި ރާއްޖެ ބަދުނާމުކުރަން ކަމުގައި ނައިފަރު ދާއިރާގެ މެމްބަރު އަދި ޕީޕީއެމްގެ ނައިބު ރައީސް އަހުމަދު ޝިޔާމް ވިދާޅުވެއްޖެއެވެ.
ރާއްޖޭގެ ރިސޯޓްތަކުން ކަނޑަށް ކުނި އެޅުން ކުއްލިއަކަށް ނުހުއްޓޭނެކަމަށް މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ)ން ބުނުމާއި ގުޅިގެން މާފަންނު މެދު ދާއިރާގެ މެންބަރު އިބްރާހީމް ރަޝީދު (ބޮންޑެ) ވަނީ ކުނި އަޅާ ރިސޯޓުތައް ބަންދުކުރަން ޖެހިދާނެ ކަމުގެ އިންޒާރުދީފައެވެ.
މިކަމާ ގުޅިގެން ޝިޔާމް ވިދާޅުވީ މި ޤައުމަކީ ތިމާވެށީގެ ނަމުގައި ނިސްބަތުން ޤައުމަށް އެންމެ ގިނަ ފައިސާ ވައްދާ ޤައުމު ކަމުގައި ވިޔަސް ތިމާވެށީގެ ނަމުގައި ސަރުކާރުން ކުރަނީ މިގައުމު ބަދުނާމު ކަމަށެވެ.
މި ޤައުމަކީ ތިމާވެށީގެ ނަމުގައި ނިސްބަތުން ޤައުމަށް އެންމެ ގިނަ ފައިސާ ވައްދާ ޤައުމު. އެފައިސާ އަދި ގްރީން ޓެކްސް ހޭދަކުރަނީ ކޮން ކަމަކަށްތޯ ރައީސް އިބްރާހިމް މުހައްމަދު ޞާލިހު. މާފުއްޓާއި، އަދި ރާއްޖޭގެ ރައްޔިތުން ބަދުނާމު ކުރުން ނޫންކަމެއް ސަރުކާރަށް އެބަ ކުރެވޭތޯ؟" ޝިޔާމް ވިދާޅުވިއެވެ.
