ސީރަމް އިންސްޓިޓިއުޓް ގައި ހިނގި އަލިފާނުގެ ހާދިސާ: 5 މީހަކު މަރުވި ފަހުން އަނެއްކާ ވެސް އަލިފާނުގެ ހާދިސާއެއް
އިންޑިއާގެ ސީރަމް އިންސްޓިޓިއުޓްގައި މިއަދު ހިނގި އަލިފާނުގެ ހާދިސާގައި ފަސް މީހަކު މަރުވިފަހުން، މިރޭ އަނެއްކާ ވެސް އެތަނުގައި އަލިފާނުގެ ހާދިސާއެއް ހިނގައިފިއެވެ.
އެންޑީޓީވީ އިން ރިޕޯޓު ކޮށްފައިވާ ގޮތުގައި ޕޫނޭ ގައި ހުންނަ ވެކްސިން އުފައްދާ އެއިންސްޓިޓިއުޓްގައި މިއަދު ހިނގި އަލިފާނުގެ ހާދިސާގައި ފަސް މީހަކު މަރުވިއެވެ. އޭގެ ގާތްގަނޑަކަށް ތިން ވަރަކަށް ގަޑިއިރު ފަހުން އެތަނުގައި އަނެއްކާ ވެސް ވަނީ އަލިފާނުގެ ހާދިސާއެއް ހިނގާފައެވެ.
ރިޕޯޓުތަކުން ބުނާ ގޮތުގައި ރޯވި އަލިފާންގަނޑުގެ އަސަރު، "ކޮވިޝީލްޑް" ވެކްސިން އުފެއްދުމަށް ކޮށްފައެއް ނުވެއެވެ.
ފަހުން ހިނގި އަލިފާނުގެ ހާދިސާގެ ސަބަބުން އެތެރޭގައި ތާށިވީ ބަޔަކު ވެސް މިހާރު ސަލާމަތް ކޮށްފައިވާ ކަމަށް މީޑިއާ ރިޕޯޓުތަކުން ބުނެއެވެ.
ސީރަމް އިންސްޓިޓިއުޓްގެ އާދަރް ޕޫނަވާލާ ކުރި ޓްވީޓެއްގައި ބުނެފައިވަނީ އެތަނުގައި އަލިފާނުގެ ހާދިސާއެއް ހިނގާފައި ވަނީ ކަރަންޓު ޝޯޓު ވެގެންނެވެ. މިހާދިސާގެ ސަބަބުން މަރުވި މީހުންގެ އާއިލާތަކަށް އާދަރް ވަނީ ތަޢުޒިޔާ ކިޔާފައެވެ.
މީގެ އިތުރުން އާދަރް ބުނީ، މިހާރު އެންމެ އިސްކަމެއް ދީފައިވަނީ އަލިފާނުގެ ހާދިސާގެ ސަބަބުން ތާށިވީ މީހުން ސަލާމަތް ކުރުމަށް ކަމަށެވެ. އިންސްޓިޓިއުޓަށް ލިބުނު ގެއްލުންތައް ފޫބެއްދުމާމެދު ވިސްނާނީ ފަހުން ކަމަށް ވެސް އޭނާ ބުނެފައި ވެއެވެ.
Ads by STO
