މޯލްޑިވިއަންގެ އެތެރޭގެ އުދުހުންތަކުގެ އަގުހެޔޮކުރި މުއްދަތު އިތުރުކޮށްފި

ރާއްޖޭގެ ގައުމީ އެއާލައިން މޯލްޑިވިއަން އިން އެތެރޭގެ އުދުހުންތައް އަގުހެޔޮކޮށް ނެރުނު ހާއްސަ ފެއާގެ މުއްދަތު އިތުރު ކޮށްފިއެވެ.

Ads by STELCO

މޯލްޑިވިއަން އިން ވަނީ މި ފެއާގެ ދަށުން ޑޮމެސްޓިކް ދަތުރުތައް ކުރުމަށް އޮންލައިން ކޮށް ނަގާ ހުރިހާ ޓިކެޓަކުން 10 ޑޮލަރު ހެޔޮ ކޮށްފައެވެ.

އެ ކުންފުނިން ފުރަތަމަ ޑިސެމްބަރު 15 އާއި މި މަހުގެ 31 އާދެމެދުގައި ކުރެވޭ ދަތުރުތަކުގެ އަގު ހެޔޮ ކުރިނަމަވެސް އެ މުއްދަތު މިހާރު ވަނީ އޭޕްރިލް ހަތް ވަނަ ދުވަހުގެ ނިޔަލަށް ދިގު ދަންމާލާފައެވެ.

މި ފެއާގެ ދަށުން ޓިކެޓް ލިބޭނީ 7 ހަތް ދުވަސް ކުރިން ޓިކެޓް ނަގާނަމައެވެ. ފެއާ ޓިކެޓް ނެގުމުގެ އެންމެ ފަހު ތާރީހަކީ މާޗު މަހުގެ 31 ވަނަ ދުވަހެވެ.

މޯލްޑިވިއަން ގެ މޯބައިލް އެޕް އަދި މޯލްޑިވިއަން ވެބްސައިޓު މެދުވެރިކޮށް ފަސޭހަކަމާއެކު އޮންލައިންކޮށް ޓިކެޓް ގަނެލެވޭނެއެވެ.