މިފަހަރު މީހެއްގެ ފުރާނަ ސަލާމަތްވީ “އެޕަލް ވޮޗެއް”ގެ ސަބަބުން
އެޕަލްގެ އުފެއްދުންތަކަކީ އާންމުންގެ މެދުގައި އަބަދުވެސް އެންމެ މަޤުބޫލް އުފެންދުން ތަކެކެވެ. އެގޮތުން ގިނަ ބަޔަކަށް ކަމުދަނީ އެޕަލްގެ އުފެއްދުންތަކުގައި ހުންނަ ފީޗަރ ތަކެވެ. އެހެން އެކަން ވަނީ ސަބަބެއް ނެތިއެއް ވެސް ނޫނެވެ. އެޕަލް ކުންފުނި ވުޖޫދަށް އައި ފަހުން އެ ކުންފުނިން އަބަދުވެސް ދަނީ އެމީހުންގެ އުފެންދުންތަކުގެ ކޮލިޓީ ވަރުގަދަކަން ސާބިތު ކޮށްދެމުންނެވެ.
އެގޮތުން މިފަހަރު ސާބިތުވެފައި މި ވަނީ އެޕަލް ވޮޗް ގެ މޮޅު ކަމެވެ. ދާދި ފަހުން އިންގްލޭންޑަށް ނިސްބަތްވާ މީހަކު ގެނބުމުން އޭނާ ސަލާމަތްވުމުގެ މެދުވެރިއަކަށް ވީ އެޕަލް ވޮޗް އެކެވެ. މި ހާދިސާ ހިނގާފައިވަނީ ވަނީ މިދިޔަ ބުރާސްފަތި ދުވަހު އެވެ.
އިންގްލޭންޑްގެ ކޯރަކަށް މި މީހާ ވެއްޓުނީ ސައިކަލުގައި ދަނިކޮށެވެ. އަދި ގަދަ އޮއިވަރުގައި ޖެހި އޭނާ އެތައް މޭލަކަށް ބެހިގެން ދިޔައެވެ. ނަމަވެސް ނަސީބު ކަން ދިމާކުރި ގޮތުން އޭނާއަށް ގަހެއްގެ މޫ ގަނޑެއްގައި ހިފެހެއްޓުނެވެ.
އެޕަލް ވޮޗް ގެ އެހީ ލިބުނީ އެވަގުތުގައެވެ. މޫގަނޑުގައި ހިފަހައްޓައިގެން އޮވެ އޭނާ ވަނީ އެޕަލް ވޮޗް ބޭނުން ކޮށްގެން އެހީއަށް އެދެން 999 އަށް ގުޅާފައެވެ. އެހީ ފޯރުކޮށްދިން ޓީމް އިން ބުނިގޮތުގައި އޭނާ ސަލާމަތްވުމުގެ އަސްލު ސަބަބަކީ އެޕަލް ވޮޗް އެވެ. އަދި އެޕަލް ވޮޗް ގެ ސަބަބުން އޭނާ ހޯދުމަށް ފަސޭހަވި ކަމަށް ވެސް އެ ޓީމުން ވަނީ ބުނެފައެވެ.
