ފިހާރަތަކާއި ރެސްޓޯރަންޓުތައް ހުޅުވާފައި ބެހެއްޓޭ ގަޑިތައް މަދު ކޮށްފި
ކޮވިޑް-19 ފެތުރުން އިތުރުވަމުން އަންނާތީ، އަޅާފައިވާ ހާއްސަ ފިޔަވަޅުތަކާ ގުޅިގެން މިއަދުން ފެށިގެން، ސައިހޮޓާ، ކެފޭ، ރެސްޓޯރެންޓު ކެންޓީނުތައް އަދި ފިހާރަތައް ހުޅުވާފައި ބެހެއްޓޭނެ ވަގުތުތަކަށް ބަދަލު ގެނެސްފިއެވެ.
އެގޮތުން އިކޮނޮމިކް މިނިސްޓްރީން ބުނީ ފިހާރަތަކާއި، ސައި ހޮޓާ، ރެސްޓޯރަންޓުތަކާއި ކެފޭތައް ހުޅުވާފައި ދެން ބެހެއްޓޭނީ ފަތިހު 5:00 އިން ރޭގަނޑު 10:30 އަށް ކަމަށެވެ.
އަދި މިތަންތަން ހުޅުވައިގެން ހިދުމަތް ދިނުމުގައި ވެސް އެޗްޕީއޭއިން ކަނޑައަޅާފައިވާ އުސޫލުތަކަށް އަމަލު ކުރުމަށް އެ މިނިސްޓްރީން ވަނީ އަންގާފައެވެ.
މާލޭގައި ކޮވިޑް-19 ގެ ކޭސްތައް އިތުރުވަމުން ދިޔުމާ ގުޅިގެން ރައްކާތެރިވުމުގެ ފިޔަވަޅެއްގެ ގޮތުގައި ކާފިއުގެ ވަގުތު އިތުރުކޮށް، ރޭގަނޑު 8:30 އިން ފެށިގެން ފަތިހު 4:30 އާ ހަމައަށް މާލޭ ސަރަހައްދުގައި އެއްގަމު އުޅަނދުފަހަރު ދުއްވުން ވެސް ވަނީ މަނާ ކޮށްފައެވެ.
