ފެނަކައިގެ ޑެޕިޔުޓީ އެމްޑީގެ ފަރާތުން ޖިންސީ ފުރައްސާރަ ކުރިމަތިވާތީ މައްސަލަ މަޖިލީހަށް!
ފެނަކައިގެ ޑެޕިޔުޓީ މެނޭޖިންގ ޑިރެކްޓަރ އިބްރާހީމް ވަހީދުގެ ފަރާތުން އެ ކުންފުނީގެ އަންހެން މުވައްޒަފުންނަށް ޖިންސީ ފުރައްސާރަ ކުރިމަތި ވަމުންދާ މައްސަލައެއް ފެންމަތި ވެއްޖެއެވެ.
ނަން ހާމަ ނުކުރަން އެދި ފެނަކައިގެ އަންހެން މުވައްޒަފަކު ދެން އަށް މައުލޫމާތު ދެމުން ބުނީ އިބްރާހީމް ވަހީދަކީ އެޗްއާރު ޑިޕާޓްމަންޓާ ވެސް ހަވާލުވެ ހުންނަވާ ވެރި މީހާ ކަމަށާއި މުވައްޒަފުން އެކި ކަންކަމުގައި އޭނާއާ މުއާމަލާތް ކުރަން ޖެހޭ ކަމަށެވެ. ނަމަވެސް މިހާރު އޭނާއާ ކުރިމަތިލާން މުވައްޒަފުން ޖެހިލުން ވާ ކަމަށެވެ.
އިބްރާހީމް ވަހީދުގެ ފަރާތުން ޖިންސީ ފުރައްސާރަ ލިބުނު އަންހެން މުވައްޒަފަކު ވަނީ އެ މައްސަލަ ރައްޔިތުންގެ މަޖިލީހުގެ ހިޔުމަން ރައިޓްސް ކޮމިޓީއަށް ހުށަހަޅާފައެވެ. އެ ސިޓީގައި އޭނާ ބުނެފައި ވަނީ އިބްރާހީމް ވަހީދުގެ ފަރާތުން އެތައް މުވައްޒަފަކަށް ޖިންސީ ފުރައްސާރަ ލިބެމުންދާ ކަމަށެވެ. އަދި އޭނާއަށް ފުރައްސާރަ ކުރި މައްސަލަ ވެސް ފެނަކައިގެ ހެރާސްމަންޓް ކޮމިޓީއަށް ހުށަހަޅާފައިވާ ކަމަށާއި ނަމަވެސް އިބްރާހީމް ވަހީދުގެ ނުފޫޒުގެ ސަބަބުން އިންސާފު ލިބިދާނެ ކަމަށް ގަބޫލު ނުކުރާ ކަމަށް އެ މުވައްޒަފު ބުނެފައި ވެއެވެ. ހިޔުމަން ރައިޓްސް ކޮމިޓީގެ ކިބައިން އޭނާ އެދިފައި ވަނީ އިންސާފު ހޯދައިދިނުމަށާއި މަސައްކަތް ކުރުމަށް ރައްކާތެރި މާހައުލެއް ހޯދައިދިނުމަށެވެ.
ދެން އަށް އެނގިފައިވާ ގޮތުގައި އިބްރާހީމް ވަހީދު ވަނީ މުބާރާތެއްގައި ކުޅުމަށް ފެނަކައިގެ ބުރާންޗަކުން މާލެ އައި މުވައްޒަފަކަށް ވެސް ޖިންސީ ގޯނާ ކޮށްފައެވެ. އެގޮތުން އޭނާއާ ބައްދަލު ކުރުމަށް އަންގާ ބައްދަލު ކުރުމުން އޭނާ ވަނީ މުވައްޒަފުގެ ގަޔަށް އަތް ފޯރުވަން މަސައްކަތް ކޮށްފައެވެ.
ޖިންސީ ފުރައްސާރަ ކުރުމުގެ ކުށުގައި ރައީސް ސާލިޙްގެ ފުރަތަމަ ޓޫރިޒަމް މިނިސްޓަރ އަލީ ވަހީދު މަގާމުން ވަކިކޮށް ދައުވާ ކުރަމުންދާއިރު ރައީސް އޮފީސް ތެރެއިން ވެސް އެފަދަ މައްސަލަ އެއް ފެންމަތި ވެފައި ވެއެވެ. އެ މައްސަލަ ނުބެލިވީ ނަމަވެސް މައްސަލައިގައި ތުހުމަތު ކުރެވޭ ހަސަން އިސްމާއީލް ވަނީ އިސްތިއުފާ ދެއްވާފައެވެ. މީގެ އިތުރުން ފެނަކައިގެ މުވައްޒަފުންނަށް ޖިންސީ ފުރައްސާރަ ކުރާ ކަމުގެ މައްސަލަ ހުށަހެޅި ރައްޔިތުން މަޖިލީހުގެ ހިޔުމަން ރައިޓްސް ކޮމިޓީގެ މުގައްރިރު ޖީހާން މަހުމޫދުގެ ފިރިކަލުންގެ މައްޗަށް ވެސް ވަނީ ޖިންސީ ގޯނާ ކުރުމުގެ މައްސަލައެއް ހުށަހަޅާފައެވެ.
ފެނަކައިގެ ޑީއެމްޑީގެ މައްޗަށް ވެސް އެފަދަ ގިނަ ތުހުމަތުތަކެއް ކުރެވުނު ނަމަވެސް އޭނާއާ މެދު ވެސް އެއްވެސް ފިޔަވަޅެއް އެޅިފައެއް އަދި ނުވެއެވެ.
މީ ހަމަ ދޮގު، އެތާހުރި ސައީދު ކޮށްގެން އުޅޭ ކަމެއް
ސައީދުބޮލައް ކަނޑާލީމަ ނިމުނީ. ސައީދު ކުރާނެ ކަމާ ނުކުރާނެކަން މިހާރު ރައްޔިތުއެންމެން ވެސް ދަނޭ
ހުސް ދޮގު! އެބުނާ އަންހެންވެރިން އުޖޫރައައް ރުހިގެން އެކަމެއް ހިނގާފާ އޮތީ. ހޯދި ހަދިޔާތަކާ ފައިސާތަކާ ޕުރޮމޯސަންތައް ދޫކޮއްލަބަލަ ތިހާ ތެދުވެރީވިއްޔާ.
އިބުރޭބުނީ ތިމަން އަނގަހުޅުވާދުވަހު ރީއްޗެއްނުވާނެޔޯ. ކެކެކެކެ.
ތިތާ ނޫޅޭ ސަހަލު އެކަކުވެސް.
ތީ ވަކި ސަހަލުމީހަކީތަ