ކޮވިޑް-19: ނައިބު ރައީސް ފައިސަލް ނަސީމް ވެސް ވެކްސިން ޖައްސަވައިފި

ކޮވިޑް-19 އިން ރައްކާތެރިވުމަށް ރައީސުލްޖުމްހޫރިއްޔާގެ ނައިބު ފައިސަލް ނަސީމް ވެސް ވެކްސިން ޖައްސަވައިފިއެވެ.

Ads by STELCO

މިކަން ހާމަ ކުރައްވާ ނައިބު ރައީސް ކުރެއްވި ޓްވީޓެއްގައި ވިދާޅުވީ، އެމަނިކުފާނު މިއަދު ކޮވިޝީލްޑް ވެކްސިންގެ ފުރަތަމަ ޑޯޒް ޖައްސަވައިފި ކަމަށެވެ.

"އެންމެހާ ރައްޔިތުން ޤައުމީ ރޫޙެއްގައި މިކަމުގައި ބައިވެރިވުމަށް އިލްތިމާސް ކުރަން" ނައިބު ރައީސް ފައިސަލް ނަސީމް ވިދާޅުވިއެވެ.

އިއްޔެގެ އިރުއޮއްސި 6:00 ހަމައަށް މުޅި ރާއްޖޭގައި ދީފައި ވަނީ 9،752 ވެކްސިން ކަމަށާއި އޭގެތެރެއިން 7،963 ވެކްސިން މާލެ ސަރަޙައްދުން ދީފައިވާއިރު އަތޮޅުތެރެއިން 1،789 މީހަކަށް މިހާތަނަށް ވެކްސިން ދީފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފައިވެއެވެ.

ރާއްޖޭގައި މިވަގުތު ދެމުން ދަނީ އިންޑިއާއިން ހަދިޔާކުރި ކޮވިޝީލްޑް ވެކްސިނެވެ.