"ހިޔާ ފްލެޓުގެ ވަގުތީ ލިސްޓުން ކަޓުވާލި ރައްޔިތުން ތިބީ ފައިނަލް ލިސްޓު އިއުލާނު ކުރަންދެން ވެސް އުންމީދުގައި"
މިސަރުކާރުން ވަނީ ރައްޔިތުންގެ އުންމީދު ގެއްލުވާލާ ރައްޔިތުންނަށް ނުޙައްޤުން އަނިޔާވެރިވެފައި ކަމަށް ކުރީގެ ހައުސިންގ މިނިސްޓަރ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މާލެ ސިޓީގެ މޭޔަރު ކަމަށް ވެސް މިފަހަރު ވާދަ ކުރައްވާ ޑރ. މުޢިއްޒު ކުރެެއްވި ޓްވީޓެއްގައި ވިދާޅުވީ ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ގެ ސަރުކާރުގައި ހިޔާ ފްލެޓުގެ ފައިނަލް ލިސްޓަށް އަރާ، މިސަރުކާރުގެ ވަގުތީ ލިސްޓުން ކަޓުވާލި ރައްޔިތުން ތިބީ، މިސަރުކާރުން ފައިނަލް ލިސްޓު އިއުލާނު ކުރަންދެން ވެސް އުންމީދު ކަނޑާނުލާ ކަމަށެވެ.
"ނަމަވެސް އެރައްޔިތުންގެ އުންމީދު މިއަދު ވަނީ މިސަރުކާރުން ގެއްލުވާލާ އެރައްޔިތުންނަށް ނުޙައްޤުން އަނިޔާވެރިވެފައި" މިހާތަނަށް ހިންގި އެންމެ ބޮޑު ހިޔާވަހިކަމުގެ މަޝްރޫޢާ ގުޅޭ ގޮތުން ޑރ. މުޢިއްޒު ވިދާޅުވިއެވެ.
މިކަމާ ގުޅޭ އިތުރު ތަފްސީލު މިއަދު އިދިކޮޅު ޕީޕީއެމް/ޕީއެންސީ އިން ބާއްވާ ނޫސްވެރިންގެ ބައްދަލުވުމުގައި އިތުރަށް ޙިއްސާ ކުރައްވާނެ ކަމަށް ވެސް ޑރ. މުޢިއްޒު ވިދާޅުވިއެވެ.
އަސްލުވެސް ވަރައް ދެރަވެއްޖެ.
މިރާއްޖެއިން ހިޔާ ވަހިކަން ނުދެންޏާ ދެންދާނީ ޖިހާދަށް.
ނިކަން ހުއްޓުވަބަލަ