ހިޔާ ފްލެޓަށް މެއި މަހު ވަދެވޭ ވަރުވާނެ: ސަރުކާރު
ރައީސް ޔާމީންގެ ސަރުކާރުން ހުޅުމާލޭ އެޅި ހިޔާ ފްލެޓަށް މި އަހަރުގެ މޭ ނުވަތަ ޖޫންމަހުގެ ތެރޭގައި ވަދެވޭނެކަމަށް ސަރުކާރުން ހާމަ ކުރައްވައިފިއެވެ.
ރައީސް އޮފީހުގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ފްލެޓް ކޮމެޓީގެ މުގައްރިރު ތޯހާ މުހައްމަދު ވިދާޅުވީ ހުޅުމާލޭ ދެވަނަ ފިޔަވަހީގައި ގާއިމް ކޮށްފައިވާ ހިޔާ ފްލެޓު ލިބުނު ފަރާތްތަކަށް، މިއަހަރުގެ މެއި މަހު އެ ފްލެޓުތަކަށް ދިރިއުޅެން ވަދެވޭވަރު ވާނެ ކަމަށެވެ.
އެބައްދަލުވުމުގައި ވާހަކަ ދައްކަވަމުން މަބްރޫކް އިތުރަށް ވިދާޅުވީ ތޮލާލް ވިދާޅުވީ ވަރަށް ހާލުގައި އުޅޭ ފަރާތްތަކަށް ވެސް "ހިޔާ މަޝްރޫއު" ގެ ފްލެޓް ނުލިބި އެބަހުރި ކަމަށާއި އެ ފަރާތްތަކަށް ފްލެޓް ނުލިބި ދިޔައީ ފްލެޓްތަކަށް ހައްގު ނޫން ވުމުން ވެސް ނޫން ކަމަށެވެ.
"ކޮމިޓީއިން މަސައްކަތް ކޮށްފައި ވަނީ އެންމެ އިންސާފުވެރިކޮށް އެންމެ ހައްގު މީހުނަށް ފްލެޓްތައް ދިނުމަށް. އެގޮތަށް މަސައްކަތް ކުރެވޭއިރު ވެސް ވަރަށް ހާލުގައި ދިރިއުޅޭ ބައެއް މީހުންނަށް ފްލެޓް ނުލިިބިދާނެ" ތޮލާލް ވިދާޅުވިއެވެ.
ތޯހާ ވިދާޅުވީ ވަރަށް ހާލުގައި ދިރިއުޅޭ ބަޔަކަށް ވެސް ފްލެޓްތައް ނުލިބި ދިޔައީ ފްލެޓްތައް ކެޓަގަރީތަކަކަށް ބެހިފައި އޮންނަ ގޮތުގެ ސަބަބުން ކަމަށާއި ވަރަށް ގިނަ ކެޓަގަރީތައް ކަނޑައަޅާފައި އޮތުމުން އަދި ބައެއް ކެޓަގަރީތަކުން ވަރަށް ގިނަ މީހުން ކުރިމަތިލާފައި އޮތުމުން އެ ކެޓަގަރީއެއްގައި ހިމެނޭ ވަރަށް ހާލުގައި ދިރިއުޅޭ މީހުން ފްލެޓް ލިބޭ މީހުންގެ ލިސްޓުގައި ހިމެނިފައި ނުވެދާނެ ކަމަށެވެ.
