"ދޫމް 4" ވަރަށް އަވަހަށް ބެލުންތެރިންނާއި ހަމައަށް، ނުބައި ބައި ރޯލް ކުޅެނީ ދީޕިކާ ތަ؟
ބޮލީވުޑްގައި ބޮޑު މަގުބޫލުކަމެއް ހޯދައިފައިވާ ސީރީޒް ފިލްމު "ދޫމް"ގެ 4 ވަނަ ބައެއް ނެރެން ނިންމައިފިއެވެ.
ދޫމްގެ ހަތަރު ވަނަ ބައިގައި، ނުބައި ބައި ރޯލުން ފެނިގެން ދާނީ އަންހެން ފަންނާނެކެވެ. އަދި މި ޚަބަރާއެކު ގިނަ ބައެއްގެ ލޯތައް އަމާޒުވެފައިވަނީ ދީޕިކާ ޕަދުކޯން އަށެވެ.
އިންޑިއާގެ މުނިފޫހިފިލުވުމުގެ ހަބަރުތައް ގެނެސްދޭ ބައެއް މީޑިއާތަކުން ރިޕޯޓް ކުރާ ގޮތުގައި ދޫމްގެ ޕްރޮޑިއުސިން ޓީމުން ދޫމް 4ގައި ނުބައި ބައި ރޯލް ކުޅުމަށް ދީޕިކާ އަށް ވަނީ ދައުވަތު ދީފައެވެ. އަދި ދީޕިކާ ހުރީ އުފަލުން އެ ދައުވަތު ގަބޫލުކޮށް އެ ފިލްމު ކުޅެން ކަމަށް ވެސް މީޑިއާތަކުން ރިޕޯޓް ކުރެއެވެ.
ދޫމް އަކީ ގިނަ ބައެއްގެ މެދުގައި މަގުބޫލުކަން ހޯދި އެކްޝަން ފިލްމެކެވެ. އެ ފިލްމުގެ ފުރަތަަމަ ބައިގައި ނުބައި ބައި ރޯލުން ފެނިގެން ދަނީ ޖޯން އަބްރަހަމްއެވެ. އަދި ދެވަނަ ބައިގައި ރިތިކް ރޯޝަން ފެނިގެން ދާއިރު ތިންވަނަ ބައިގައި ފެނިގެން ދަނީ އާމިރް ޚާންއެވެ. އަދި ފުލުހުންގެ ގޮތުގައި ފެންނަ އަބީޝޭކް ބައްޗަން އާއި އުދޭ ޗޯޕްރާގެ ރޯލަކީ މި ފިލްމުގެ ހުރިހާ ބައެެއްގައި ވެސް ފެނިގެންދާ ރޯލްތަކެވެ. އެ ދެ ރޯލަކީ މި ފިލްމަށް އިތުރު ފުރިހަމަކަމެއް ގެނެސްދޭ ދެ ރޯލެވެ.
