މަޝްހޫރު ލަވަކިޔުންތެރިޔާ ޒަކިއްޓޭގެ މަންމަ ކޮވިޑް-19އަށް ފައްސިވެ ހާލު ގޯސް!
މޯލްޑިވިއަން އައިޑަލްއިން ވިދާލި ތަރި، ހަސަން އިރުފާން (ޒަކިއްޓޭ)ގެ މަންމަ ކޮވިޑް-19 އަށް ފައްސިވެ ހާލު ރަނގަޅު ނޫން ކަމުގައި ޒަކިއްޓޭ ބުނެފިއެވެ.
ޒަކިއްޓޭ ކުރި ޓުވީޓެއްގައި ބުނެފައިވާ ގޮތުގައި އޭނާގެ މަންމަ ކޮވިޑް-19އަށް ފައްސިވެފައި ވާކަމަށާއި، އަދި މަންމަގެ ހާލު ރަނގަޅު ނޫން ކަމަށާއި އެެންމެންގެ ހެޔޮ ދުޢާގައި މަންމަ އަށް އަވަސް ޝިފާއެއް މިންވަރު ކޮށްދިނުމަށް އެދޭ ކަމަށެވެ.
ޒަކިއްޓޭގެ މި ޓުވީޓަށް ގިނަ ބަޔަކު ކޮމެންޓު ކޮށްފައިވާއިރު، ރާއްޖޭގެ ބައެއް މަޝްހޫރު ޑޮކްޓަރުންނާއި، ސިޔާސީ މީހުންވެސް ވަނީ ޒަކިއްޓޭގެ މަންމައަށް އަވަސް ޝިފާއެއް ދެއްވުމަށް އެދި ދުޢާ ކުރާ ކަމަށް ބުނެފައެވެ.
ފަހަކަށް އައިސް ރާއްޖޭގައި ކޮވިޑް-19އަށް ފައްސިވާ މީހުންގެ އަދަދު އަންނަނީ އިތުރުވަމުންނެވެ. އެހެންކަމުން އެޗްޕީއޭ އިން އަނެއްކާވެސް ވަނީ ކޮވިޑް ފެތުރުން ކޮންޓްރޯލު ކުރުމަށް ބައެއް ފިޔަވަޅުތައް އަޅާފައެވެ. އެގޮތުން އިރުއޮއްސި 6:00 އިން ފެށިގެން އަނެއް ދުވަހުގެ ހެނދުނު 6:00 އަށް މާލެ ސަރަޙައްދުގައި އެއްގަމު އުޅަނދު ދުއްވުން މަނާ ކޮށްފައިވާއިރު ރޭގަނޑު 11:00 އިން ފަތިހު 4:00 އަށް ބޭރުގައި އުޅުން ވެސް މަނަލެވެ. އަދި މީހުން ދިރިއުޅޭ ހުރިހާ ރަށެއްގައި މިހާރު މާސްކު އެޅުން ވެސް ވަނީ މަޖުބޫރު ކޮށްފައެވެ.
ތީ ތިހާ މަޝްހޫރު މީހެއްނޫން. އަޅުގަނޑަށްވެސް އަދި ކިރިޔާ މިއެނގުނީ ތިބުނާ ޒަކިއްޓެއް ހުންނަކަންވެސް.