ވެރިކަމުގެ ދެ ވަނަ ދައުރަކަށް ކުރިމަތިލެއްވުމާ މެދު ރައީސް ސޯލިހް އަދި ގޮތެއް ނުނިންމަވާ: މަބްރޫކް
ވެރިކަމުގެ ދެ ވަނަ ދައުރަކަށް ކުރިމަތިލެއްވުމާ މެދު ރައީސް އިބްރާހިމް މުހައްމަދު ސޯލިހް އަދި ގޮތެއް ނުނިންމަވާ ކަމަށް ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް ވިދާޅު ވެއްޖެއެވެ.
ރާއްޖެ ޓީވީން މިއަދު ހެނދުނު ގެނެސްދިން “ފަށާއިރު” ޕްރޮގްރާމްގައި ވާހަކަ ދައްކަވަމުން ، ފުރިހަމަ ތަރައްޤީއެއް ރާއްޖެއަށް ގެނައުމަށް ރައީސްކަމުގެ ދެ ދައުރު ފުރިހަމަ ކުރުމަށް ފުރުސަތު ދޭން ޖެހޭ ކަމަށް ވިދާޅުވި ވާހަކަ ސާފު ކޮށްދެއްވައި މަބްރޫކް ވިދާޅުވީ ރައީސް ސޯލިހު ދެވަނަ ދައުރަކަށް ކުރިމަތިލާ ވާހަކަ ވިދާޅުނުވާ ކަމަށެވެ.
މަބްރޫކް ވިދާޅުވީ މިއަދު އޭނާ ދެއްކެވީ ތަރައްގީގެ މަޝްރޫއުތައް ކުރިއަށް ގެންދިއުމަށާއި ގައުމުގެ ހަމަޖެހުމަށްޓަކައި ވެރިކަމުގެ ދެ ދައުރު އެއް ބަޔަކަށް ލިބެންޖެހޭ ކަމަށް އޭނާ ގަބޫލުކުރައްވާ ވާހަކަ ކަމަށެވެ.
މަބްރޫކު ދެއްކެވި ވާހަކަފުޅާ ގުޅިގެން ބައެއް ސިޔާސީ ފަރާތްތަކުން ވަނީ ރައީސް ސޯލިހު ދެވަނަ ދައުރަކަށް ޝައުގުވެރިކަން ފާޅުކުރެއްވީ ކަމަށް ވިދާޅުވެ، ފާޑު ކިޔާފައެވެ.
ރާއްޖޭގެ ވެރިކަމުގެ ނިޒާމު މިހާރު ހިނގާގޮތުން ތަރައްޤީ ގެނައުމުގައި ލަސްތަކެއް ކުރިމަތިވާކަން މަބްރޫކް ފާހަގަ ކުރެއްވިއެވެ. އެގޮތުން 5 އަހަރުގެ 1 ދައުރަށް ވުރެ ދިގުކޮށް މިހާތަނަށް އައިއިރު ރާއްޖޭގެ ޑިމޮކްރަސީގައި ވެރިކަން ކުރެވިފައި ނުވާއިރު، މި މުއްދަތަކީ ތަރައްޤީ ގެނައުމަށް އެންމެ އެކަށޭނަ މުއްދަތެއް ނޫން ކަމަށް މަބްރޫކް ވިދާޅުވިއެވެ.
ރައީސް ޞާލިޙް ދެވަނަ ދައުރަކަށް ކުރިމަތި ލައްވާނެކަން ކުރިއަށް އޮތް އަހަރެއްހާ ދުވަހުގެ ތެރޭ އެނގިގެން ދާނެ ކަމަށާއި، ދެވަނަ ދައުރުގެ ކެމްޕެއިންގައި ބައިވެވަޑައިގަތުމަށް ބޭނުންފުޅުވާ ކަމަށް ވެސް މަބްރޫކް ވިދާޅުވިއެވެ.
ޕްރޮގްރާމްގެ ތެރެއިން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙާ ގުޅޭގޮތުން ވާހަކަ ދައްކަވަމުން މަބްރޫކް ވަނީ އެމަނިކުފާނަކީ، ވަރަށް ދުރު ވިސްނުންފުޅެއް ގެންގުޅުއްވާ، އެންމެންގެ ޚިޔާލާއި މަޝްވަރާ ހޯއްދަވާ ބޭފުޅެއް ކަމަށް ވިދާޅުވެފައެވެ.
ބަރުލަމާނީ ހަދައިގެން އަންނި ޅިޔަނަށް ބޮޑުވަޒީރުކަން ހޯދައިދީފައި ހިހޫތަނުން ކާލާއުސޫލުން މުސާރަ ނަގައިގެން ކުކުޅު ކޮށި ހުޅުވާ ފޮނުނާރާ ރައަިސްގެ ގޮތުގައި ހުނަނަނަ ތިޔަ ރާވަނީ.